AQSH Ukrainaga 400 mln dollarlik yangi yordam paketi yubormoqda

Olam

−

26 yanvar 2023 visibility3151

AQSHning Ukrainaga Abrams tanklari bilan yangi harbiy yordam paketining umumiy hajmi 400 million dollarni tashkil etadi. Bu haqda Pentagon bayonotida ma’lum qilindi.

“Ukraina mudofaasiga ko‘maklashish tashabbusi doirasidagi ushbu paket 400 million dollarni tashkil etadi”, deyiladi hujjatda.

Ro‘yxatga ko‘ra, uning tarkibiga 120 mm o‘qli 31 ta Abrams tanki va boshqa o‘q-dorilar, sakkizta taktik tiklash va qutqaruv mashinasi, yordamchi va jihozlash vositalari, shuningdek, o‘qitish, texnik xizmat ko‘rsatish va texnik xizmat ko‘rsatish uchun mablag‘lar kiradi.

Qayd etilishicha, AQSHning Kiyevga harbiy yordamining umumiy miqdori AQSH Prezidenti Jo Bayden boshqaruvi boshlanganidan beri 27,8 milliard dollarga, 2014 yildan buyon esa 29,9 milliard dollarga yetgan.

Maqola muallifi