AQSH Rossiya qurollari bo‘yicha Turkiyaga javob qaytardi

Amerika Qo‘shma Shtatlari Turkiya bilan Anqara Rossiyaning S-400 zenit-raketa tizimlarini sotib olishidan keyin yuzaga kelgan vaziyatni hal qilish uchun ishchi guruh tuzmoqchi emas. Bu haqda AQSHning Turkiyadagi elchisi Devid Satterfild ma’lum qildi.

“Shuni ta’kidlashni istardimki, S-400 bo‘yicha ishchi guruh yo‘q va bo‘lmaydi. Bu AQSH qonunlariga rioya qilish masalasidir. Biz umid qilamizki, S-400 muammosini hal qilish mumkin, ammo agar shunday vaziyat shunday ketsa iloji yo‘q, keyin biz o‘z e’tiborimizni hamkorlikning biz kiritgan sanksiyalarga bevosita ta’sir qilmaydigan barcha sohalariga qaratishda davom etamiz”, deydi u.

Ayni paytda amerikalik diplomat Vashington sanksiyalarni joriy etishga afsus bilan yetib borganini ta’kidlagan, chunki S-400 bilan bog‘liq vaziyat bir yildan ko‘proq davom etgan va hech qachon hal qilinmagan.

Eslatib o‘tamiz, o‘tgan yilning 14 dekabr kuni Amerika Qo‘shma Shtatlari Turkiya Rossiyaning S-400 zenit-raketa to‘plamlarini sotib olgani uchun mamlakatning Mudofaa sanoati boshqarmasi va uning rahbari Ismoil Demirga sanksiyalar kiritgan edi.