ADM Jizzakh o‘zining o‘n minginchi Chery avtomobilini ishlab chiqardi

20 oktyabr kuni Jizzax viloyatidagi ADM Jizzakh korxonasida tantanali 10 000-sonli Chery avtomobilining ishlab chiqarilishi bo‘lib o‘tdi. Shunday qilib, Chery brendi qo‘shaloq bayram: o‘zining tashkil topgan kuni va yubiley avtomobilining ishlab chiqarilishini nishonladi.

Marosim ADM Jizzakh korxonasi hududida o‘tkazilib, unda ikkala tomon ham yubiley avtomobilida o‘z imzolarini qoldirdi.

Chery International prezidenti janob Chjan Guybinning ta’kidlashicha, bugungi kunda O‘zbekiston XXRning strategik hamkorlaridan biridir, Jizzax viloyati esa foydali va muvaffaqiyatli hamkorlik namunalaridan biridir. Shuningdek, u bularning hammasi kelajakdagi rejalarga erishishning ilk bosqichi ekanini ta’kidladi. 

“Biz bugungi muvaffaqiyatimizdan juda faxrlanamiz. Lekin bundan ham ko‘proq, biz ushbu hodisaning amalga oshishiga imkon yaratgan O‘zbekistondagi ko‘plab mijozlarimizga hamda shu yil davomida sifat, xizmat ko‘rsatish darajasini saqlab qolish va Chery brendi bilan shiori bo‘lgan innovatsiyalarga doimiy intilish uchun tinimsiz mehnat qilgan ADM Global kompaniyasining mehnatkash xodimlariga minnatdorchilik bildiramiz”, deydi ADM Global kompaniyasining Bosh direktori Daniyar Davletiyarov.

Aytish joizki, ADM Jizzakh korxonasi qurilishi 2020 yilda boshlanib, rasmiy ochilishi 2021 yilning bahorida bo‘lib o‘tgan. 2021 yil oxirida esa yangi SKD korxonasining qurilishi boshlangan.

Yangi korxona – kompaniyani O‘zbekiston bozorida yuqori darajada mahalliylashtirish bo‘yicha strategiyasining bir qismidir. Majmua 75 gektar maydonda joylashgan bo‘lib, barqaror rivojlanish konsepsiyasiga muvofiq atrof-muhitni muhofaza qilish va energiyani tejash sohasida innovatsion muhandislik yechimlaridan foydalangan holda zamonaviy uskunalar bilan jihozlanadi. Loyihaga 250 million dollardan ortiq sarmoya kiritiladi va korxonaning quvvati yiliga 100 mingdan ortiq avtomobilni tashkil etadi. SKD korxonasining ishga tushirilishi 2024 yilning mart oyiga rejalashtirilgan.

Aloqa uchun:  +998 71−202−69−99  

Instagram’da yangiliklardan xabardor bo‘ling

YouTube kanalimizga a’zo bo‘ling

Reklama huquqi asosida