Adliya vazirligi: Tibbiyot xodimlariga 9 mlrd so‘mdan ortiq mablag‘ to‘lab berilmagan

O‘zbekistonda pandemiya vaqtida tibbiyot xodimlariga belgilangan qo‘shimcha haq va ustamalarni to‘lashda muammolar bo‘layotgani haqida ko‘plab shikoyatlar bo‘ldi. Adliya vazirligi bergan ma’lumotga ko‘ra, tibbiyot xodimlariga 9 mlrd 9 mln so‘mdan ortiq mablag‘ to‘lanmagan.

Xususan:

•  Qashqadaryo viloyatida 1 315 nafar xodimlarga 6,8 mlrd so‘m (5,3 mlrd so‘m to‘lab berildi);

•  Samarqand viloyatida 694 nafar xodimlarga 838,7 mln so‘m (426,5 mln so‘m to‘lab berildi);

•  Buxoro viloyatida 317 nafar xodimlarga 353,5 mln so‘m;

•  Sirdaryo viloyatida 741,2 mln so‘m (633 mln so‘m to‘lab berildi);

•  Farg‘ona viloyati adliya boshqarmasi tomonidan 211 nafar xodimlarga 163 mln so‘m (to‘liq undirildi);

•  Jizzax viloyatida 27 nafar xodimga 36 mln so‘m (to‘liq undirildi);

•  Toshkent viloyatida 23 mln so‘m;

•  Qoraqalpog‘iston Respublikasida 5 nafar xodimga 7,1 mln so‘m (to‘liq undirildi) miqdorda belgilangan ustama va qo‘shimcha to‘lovlar to‘lab berilmaganlik holatlari aniqlanib, ushbu holatlarga nisbatan ta’sir choralar ko‘rilgan.

Tibbiyot xodimlariga 6,56 mlrd so‘m to‘lanishida amaliy yordam ko‘rsatildi. 2,4 mlrd so‘m pul mablag‘larini to‘lab berish ishlari olib borilmoqda.