Abdulaziz Aqqulov O‘zbekistoning BAAdagi elchisi bo‘ldi

Abdulaziz Aqqulov O‘zbekistonning Birlashgan Arab Amirliklaridagi Favqulodda va Muxtor elchisi lavozimiga tayinlandi.

Bungacha u Turizm va sport vazirining o‘rinbosari lavozimida faoliyat yuritgan edi.

Ma’lumot o‘rnida, Abdulaziz Aqqulov 1985 yilda tug‘ilgan. Millati – o‘zbek. Ma’lumoti – oliy. Toshkent davlat iqtisodiyot universitetini 2005 yil bakalavr, 2007 yil magistratura bosqichini “Xalqaro turizm menejmenti” yo‘nalishi bo‘yicha tamomlagan. 

2005-2006 yillarda “O‘zstandart” agentligi Standartlashtirish, metrologiya va sertifikatlashtirish ilmiy tadqiqot instituti mutaxassisi;

2006-2011 yillarda “O‘zbekturizm” Milliy kompaniyasi “Tur servis standart” Davlat unitar korxonasi mutaxassisi, yetakchi mutaxassisi, bosh mutaxassisi, korxona direktori;

2011-2017 yillarda “O‘zbekturizm” Milliy kompaniyasi bosh mutaxassisi, boshqarma boshlig‘i v.b., boshqarma boshlig‘i;

2017-2018 yillarda O‘zbekiston Respublikasi Turizmni rivojlantirish davlat qo‘mitasi Axborot-tahlil boshqarmasi boshlig‘i;

2018 may oyidan noyabr oyigacha O‘zbekiston Respublikasi Turizmni rivojlantirish davlat qo‘mitasi raisi o‘rinbosari;

2018 yil noyabrdan 2020 yil fevralgacha O‘zbekiston Respublikasi Turizmni rivojlantirish davlat qo‘mitasi raisi vazifasini vaqtincha bajaruvchi lavozimlarida ishlagan. 2020 yil fevraldan qo‘mita raisining birinchi o‘rinbosari bo‘lgan.

Keyinroq 2021 yilda Turizm va sport vazirining o‘rinbosari lavozimiga tayinlangan.