Milliardlar: 9 oyda XTV tizimida qancha mablag‘ o‘g‘irlangani ma’lum bo‘ldi
Jamiyat
−
27 Oktabr 2021 5283
Joriy yilning 9 oyda xalq ta’limi muassasalarida 76,5 mlrd. so‘mlik moliyaviy xato-kamchilik aniqlandi, shundan 16 mlrd so‘mi — o‘g‘rilik va kamomad. Bu haqda Xalq ta’limi vazirligi mutasaddilari ishtirokida AOKAda o‘tkazilgan matbuot anjumanida ma’lum qilindi.
Qayd etilishicha, moliyaviy kamchiliklar 2020 yilning shu davriga taqqoslaganda 2 baravarga kamaygan.
Tarkibida jinoyat alomatlari bo‘lgan 158 ta 61,4 mlrd. so‘mlik o‘rganish materiallari huquqiy baho berish va qonuniy choralar ko‘rish maqsadida huquq-tartibot organlariga taqdim etilgan.
Qayd etilishicha, vazirlik Ichki audit xizmatining 9 oylik faoliyati davomida jami 194,7 mlrd. so‘mlik moliyaviy xato va kamchiliklarning oldi olinishiga va bartaraf etilishiga erishildi.
Live
Barchasi