2021 yil O‘zbekistonda 13 ta yangi markaziy masjid ochiladi

O‘zbekistonda 2021 yil umumiy sig‘imi 43 mingdan ortiq bo‘lgan 13 ta markaziy masjid ochiladi. Bu haqda O‘zbekiston musulmonlari idorasi xabar bermoqda.

Xabarga ko‘ra, ayni paytda 218 ta masjid butunlay yangi loyiha asosida qaytadan qurilmoqda.

2021 yilda foydalanishga topshiriladigan markaziy masjidlar quyidagilar:

1. “Xonobod” masjidi

Manzil: Toshkent viloyati Ohangaron shahri

Sig‘imi: 4000 kishi

Me’moriy uslubi: Eklektika

Foydalanishga topshirilish vaqti: 2021 yil avgust oyi

Qo‘shimcha imkoniyatlari: anjumanlar zali, ayollar uchun tahoratxona va namozxona.

2. “Akbarali ota” masjidi

Manzil: Sirdaryo viloyati Guliston tumani

Sig‘imi: 1500 kishi

Me’moriy uslubi: sakkiz burchak

Foydalanishga topshirish vaqti: 2021 yil aprel (Ramazon) oyi

Qo‘shimcha imkoniyatlari: kutubxona, keng avtoturargoh.

3. “Xoji Abdulloh al Ansoriy” masjidi

Manzil: Farg‘ona viloyati, Oltiariq tumani

Sig‘imi: 2000 kishi

Me’moriy uslubi: Eklektika

Foydalanishga topshirish vaqti: 2021 yil dekabr oyi

Qo‘shimcha imkoniyatlari: uch tomonlama kirish yo‘li, keng avtoturargoh.

4. “Qorashbuva” masjidi

Manzil: Farg‘ona viloyati Qo‘shtepa tumani

Sig‘imi: 1500 kishi

Me’moriy uslubi: Yangi klassika

Foydalanishga topshirish vaqti: 2021 yil sentyabr oyi

5. “O‘tovli Eshon” masjidi

Manzil: Xorazm viloyati Tuproqqal’a tumani

Sig‘imi: 250 kishi

Me’moriy uslubi: an’anaviy-tarixiy

Foydalanishga topshirish vaqti: 2021 yil may oyi (Ramazon hayiti).

6. “Devonaboy” masjidi

Manzil: Andijon viloyati Andijon shahri

Sig‘imi: 15000 kishi

Memoriy uslubi: an’anaviy-tarixiy

Foydalanishga topshirish muddati: 2021 yil Aprel (Ramazon) oyi

Qo‘shimcha imkoniyatlari: Veb-sayt faoliyati uchun aloxida xona, anjumanlar zali, ayollar uchun tahoratxona va namozxona.

7. “Abdulhamid qori” masjidi

Manzil: Andijon viloyati viloyati Xonobod shahri

Sig‘imi: 3000 kishi

Me’moriy uslubi: an’anaviy-milliy

Foydalanishga topshirish vaqti: 2021 yil sentyabr oyi

Qo‘shimcha imkoniyatlari: ayollar uchun tahoratxona va namozxona

8. “Sarimozor” masjidi

Manzili: Surxondaryo viloyati Boysun tumani

Sig‘imi: 5000 kishi

Memoriy uslubi: Eklektika

Foydalanishga topshirish vakti: 2021 yil avgust oyi

Qo‘shimcha imkoniyatlari: anjumanlar zali, oshxona, ayollar uchun tahoratxona va namozxona.

9. “Qilichbek Qo‘rg‘oncha” masjidi

Manzil: Qashqadaryo viloyati Qarshi shahri

Sig‘imi: 1800 kishi

Me’moriy uslubi: Eklektika

Foydalanishga topshirish vaqti: 2021 yil dekabr oyi

Qo‘shimcha imkoniyatlari: kutubxona, kitob do‘koni.

10. “Boymoqli” masjidi

Manzil: Jizzax viloyati Zomin tumani

Sig‘imi: 860 kishi

Me’moriy uslubi: Sakkiz burchak

Foydalanishga topshirish vaqti: 2021 yil avgust oyi.

Qo‘shimcha imkoniyatlari: anjumanlar zali, kutubxona, ayollar uchun alohida tahoratxona va namozxona.

11. “Dilkusho” masjidi

Manzil: Buxoro viloyati Buxoro shahar

Sig‘imi: 2000 kishi

Me’moriy uslubi: tarixiy-an’anaviy

Foydalanishga topshirish vaqti: 2021 yil mart oyi

Qo‘shimcha imkoniyatlari: Yirik kutubxona, 2 kishilik dam olish xonasi (mehmonxona), ayollar uchun  namozxona.

12. “Siroj solih” masjidi

Manzil: Toshkent shahar Olmazor tumani

Sig‘imi: 4000 kishi

Me’moriy uslubi: Eklektika

Foydalanishga topshirish vaqti: 2021 yil aprel (Ramazon) oyi Qo‘shimcha imkoniyatlari: anjumanlar zali, veb-sayt faoliyati uchun videostudiya.

13. “Kulol qo‘rg‘on” masjidi

Manzil: Toshkent shahar Yunusobod tumani

Sig‘imi: 3500 kishi

Me’moriy uslubi: Eklektika

Foydalanishga topshirish vaqti: 2021 yil aprel (Ramazon) oyi

Qo‘shimcha imkoniyatlari: sartaroshxona, 30-35 sig‘imli ichki avtoturargoh (“parkovka”), kitob do‘koni, ayollar uchun tahoratxona va namozxona.

“Ta’kidlash kerakki, bu ishlar sahovatpesha insonlar, mehnatsevar xalqimizning hashari bilan bo‘lmoqda. Muxlis elimiz qayerdaki masjid qurilishi haqida darak topsa, “Allohning uyini obod etishga men ham hissamni qo‘shsam”, degan ilinjda baholiqudrat xizmatga bel bog‘lamoqdalar, ijtimoiy tarmoqlarda dalolat qilmoqdalar. Siz-chi, aziz vatandosh, chetda qolib ketmadingizmi? Bordiyu shunday bo‘lsa, imkoniyat bor, fursat bor. Kimnidir emas, olamlar Robbisining xizmatiga sizni taklif etamiz”, deyiladi xabarda.