Husanov uchun kurashga “Manchester Siti” ham qo‘shildi
Sport
−
20 dekabr 12583
Fransiyaning “Lans” klubi va O‘zbekiston terma jamoasi himoyachisi Abduqodir Husanovga Yevropaning uchta grandi da’vogarlik qilmoqda. Bu haqda “L’Equipe” xabar berdi.
Manbaga ko‘ra, futbolchi uchun “Manchester Siti”, PSJ va “Atletiko” da’vogarlik qilmoqda. Fransuzlar o‘z futbolchisini qishda faqat bir shart bilan qo‘yib yuborishga tayyor. Qiziqish bildirgan klublar kamida 30 million yevro taklif qilishlari kerak.
Joriy mavsumda Abduqodir Husanov “Lans” safida 15 ta o‘yin o‘tkazdi. O‘zbekistonlik futbolchining Fransiya klubi bilan tuzilgan shartnomasi 2027 yilning yoziga qadar amal qiladi. “Transfermarkt” futbolchini 12 million yevroga baholamoqda.
Eslatib o‘tamiz, avvalroq Husanov Fransiyada tur ramziy jamoasiga kiritilgani xabar qilingandi.
