Hulkar Murtazoyeva QALAMPIR.UZ tahririyati Bosh muharriri o‘rinbosari lavozimiga tayinlandi
Jamiyat
−
02 avgust 2023 4387
Jurnalist Hulkar Murtazoyeva QALAMPIR.UZ tahririyati Bosh muharriri o‘rinbosari lavozimiga tayinlandi.
Joriy yilning 31 iyul kuni QALAMPIR.UZ internet nashri muassisi “QALAMPIR” MCHJ ta’sischilari tomonidan o‘tkazilgan navbatdagi yig‘ilishda tahririyatning 2023 yilning birinchi yarim yillikdagi faoliyati, yutuq va kamchiliklari atroflicha tahlil qilindi, tahririyatning hisoboti tinglandi. Yangi loyihalar bo‘yicha takliflar eshitildi, jurnalistlar, texnik xodimlarning malakasini oshirish masalasiga alohida to‘xtalib o‘tildi.
Yig‘ilishda yangi media mahsulotlarini ishlab chiqarish, ularga kreativ yondashish va yosh kadrlar bilan ishlash masalasi ham muhokama qilindi. Shulardan kelib chiqib, QALAMPIR.UZ jurnalisti Hulkar Murtazoyeva Bosh muharrir o‘rinbosari lavozimiga tayinlandi.
Hulkar Saydulla qizi Murtazoyeva 1997 yil Jizzax viloyatida tug‘ilgan. Millati – o‘zbek. Ma’lumoti – oliy. 2020 yilda Alisher Navoiy nomidagi Toshkent davlat o‘zbek tili va adabiyoti universiteti Filologiya fakulteti bakalavriatini, 2022 yilda O‘zbekiston jurnalistika va ommaviy kommunikatsiyalar universitetida magistratura bosqichini tamomlagan.
2022 yilning sentyabr oyidan boshlab QALAMPIR.UZ internet nashri muxbiri sifatida faoliyat boshlagan.
Live
Barchasi