Harbiy vertolyot qulashi oqibatida 3 kishi halok bo‘ldi

Olam

−

21 yanvar 2021 visibility10530

Amerika Qo‘shma Shtatlarining Nyu-York shtatida “UH-60 Black” Hawk milliy gvardiyasi vertolyoti qulab tushdi. Oqibatda uch nafar harbiy xizmatchi halok bo‘lgan. Bu haqda voqea sodir bo‘lgan Monro okrugi sherifi ma’lum qildi.

“Biz Milliy Gvardiya bortda bo‘lganlarning shaxsini tasdiqlashini va buyuk askarlarimizning kimligi aniqlanishini kutmoqdamiz”, deydi u.

Vertolyot Mendon shahri yaqinidagi qishloq xo‘jaligi dalasiga qulab tushgan va yonib ketgan. Shtat Milliy gvardiyasi ekipaj o‘quv mashg‘ulotida bo‘lganini ma’lum qildi. Qo‘riqchilarning so‘zlariga ko‘ra, bortda atigi uch kishi bo‘lgan.

Shtat gubernatori Endryu Kuomo motam belgisi sifatida 21 yanvar kuni barcha Hukumat binolariga bayroqlarni tushirishni buyurdi. U viloyatning barcha aholisi nomidan qurbonlarning yaqinlari va hamkasblariga hamdardlik bildirdi.

Maqola muallifi