Hamzat Chimayev UFC'dagi rejasini ochiqladi

Shvetsiyalik chechen UFC jangchisi Hamzat Chimayev maqsadi haqida gapirdi. Uning asosiy maqsadi UFC'da bir-nechta kamarlarni qo‘lga kiritish.

“Men bir nechta chempionlik kamarlarini qo‘lga kiritib, eng yaxshi bo‘lishni xohlayman. Men UFC chempionligini qo‘lga kiritgan oddiy yigit bo‘lishni xohlamayman. Menga ikkita yoki uchta kamar kerak. Buni amalga oshirish qo‘limdan keladimi? O‘ylaymanki, Biz rejalar tuzishimiz mumkin, lekin oxirgi so‘z Qodir Allohga tegishli. 

Gilbert Berns bilan jangmi? Rostini aytsam, men Bernsni haqiqiy qiyinchilik deb bilmayman. Jangda hamma narsa sodir bo‘lishi mumkin. Lekin menda har doimgidek o‘zimga ishonch baland. Men Gilbertni kuchim va mahoratim bilan yo‘q qilaman. Buni amalga oshirishimni his qilyapman. Berns boshqacha fikrda bo‘lishi mumkin, lekin men oktagonga chiqib, oldingi jangda qilgan ishimni qilaman”, degan Chimayev.

Hamzat Chimayev UFC'ning eng “sershovqin” jangchilaridan biriga aylanib oldi. Ko‘pchilik jangchilar qatori u ham katta ketish, ko‘p pul va mashhurlik olib kelishini tushundi. Ammo Gilbert Berns  anoyilardan emas, u yarim o‘rta vazn toifasidagi jangchilar reytingida 2-o‘rinda turibdi. Hamzat esa ushbu reytingda 11-pog‘onada qayd etilgan. Qolaversa, UFC'ning vazn toifasidan qat’i nazar eng kuchli jangchisi Kamaru Usman yarim o‘rta vazn qiroli hisoblanadi. Xullas, Hamzatga oson bo‘lmasligi aniq.

Ma’ruf Abdumalikov