Hammasi Putin va Lukashenkoning ishi. KXSHTning Qozog‘istonga kirishidagi sir ochildi
Olam
−
15 yanvar 2022 35360
Belarus Respublikasi fuqarosi Aleksandr Lukashenkoning aytishicha, Kollektiv xavfsizlik shartnomasi tashkilotining Qozog‘istondagi operatsiyasi boshdan oxirigacha Belarus va Rossiya rahbarlari tomonidan ishlab chiqilgan. Bu haqda RIA Novosti ma’lum qildi.
“Men maqtanmoqchi emasman, ammo bu operatsiya (tafsilotlarigacha) Rossiya hamda Belarus Prezidentlari tomonidan 1 soat ichida ishlab chiqilgan”, deydi Lukashenko.
Lukashenkoning qo‘shimcha qilishicha, Qozog‘istondagi qo‘zg‘olon tashkilotchilari Rossiyani zaiflashtirmoqchi bo‘lgan.
Shuningdek, reja ikki mamlakat rahbarlari tomonidan tuzilgan, Mudofaa vazirligining bosh shtablarida ikki Prezidentning rejasi bayon qilingan va bir necha soatdan keyin Qozog‘istonga ilk samolyotlar uchib ketgan.
“Hammasi ikkilanmasdan, tez va qat’iy amalga oshirildi”, deydi Lukashenko.
Qozog‘istonda namoyishlar
Qozog‘istonda norozilik aksiyalari yangi yilning ilk kunlaridan boshlandi. Janaozen shahrida avtomobil egalari suyultirilgan gaz narxi 120 tengega (qariyb 3 ming so‘m) ko‘tarilganidan norozi bo‘lib, ommaviy mitingga chiqdi. Tobora olovlangan namoyishlar ortidan Hukumat komissiyasi Aqtau shahridagi “Intimak” maydonida namoyishchilar bilan uchrashgan. Uchrashuv davomida suyultirilgan gaz narxini pasaytirish va Mang‘istau viloyatida gaz narxini litri uchun 50 tenge etib belgilash to‘g‘risida qaror qabul qilingan.
Muzokara davomida tomonlar barcha yuzaga kelayotgan muammolarni konstruktiv muloqotning asosiy oqimida va amaldagi qonunchilik doirasida hal qilishga kelishib olgan.
5 yanvar kuni, shuningdek, Qozog‘istonning amaldagi Hukumati iste’fo berdi. Prezident Qosim-Jomart To‘qayev Hukumat iste’fosini qabul qildi. Shuningdek, Qozog‘istonning Birinchi Prezidenti - Elboshi Nursulton Nazarboyev Qozog‘iston Xavfsizlik kengashi raisi lavozimidan ketdi. Uning o‘rnini Prezident To‘qayev egalladi.
Bu orada ijtimoiy tarmoqlarda Nazarboyev va uning oilasi mamlakatni tark etgani, jiyani Samat Abish hibsga olingani haqida xabarlar tarqaldi. Biroq bularning hech biri isbotini topmadi. Shundan so‘ng, Elboshining Matbuot kotibi Aydos Ukibay Nazarboyev mamlakat poytaxtida bo‘lib turganini ma’lum qildi.
Shuningdek, Milliy xavfsizlik qo‘mitasi raisi Karim Masimov lavozimidan ozod etildi. Uning o‘rnini Yermek Sagimbayev egalladi.
Qozog‘istonda butun mamlakat bo‘ylab 19 yanvargacha favqulodda holat joriy etildi. Shuningdek, shu kunlarda soat 23:00 dan 07:00 gacha komendantlik soati amalda bo‘ladi.
Prezident Respublika Saken Isabekovni davlat qo‘riqlash xizmati rahbari etib tayinlash to‘g‘risidagi farmonni imzoladi.
To‘qayev mamlakatdagi norozilik vaziyatiga Hukumat, xususan, Energetika vazirligi, shuningdek, “Kazmunaygaz” va “Kazakgaz” kompaniyalarini aybladi.
Kollektiv xavfsizlik shartnomasi tashkiloti (ODKB) mamlakatga cheklangan muddatga tinchlikparvar kuchlarni kiritish to‘g‘risida qaror qabul qildi.
Live
Barchasi