Hafta oxirigacha salqin va quruq ob-havo davom etishi aytildi

Bu qiziq

−

21 sentabr 2020 visibility7376 timer1 daqiqa

Ertaga, 22 sentyabrdan e’tiboran O‘zbekistonda yana havo haroratining pasayishi kutilmoqda. Bu haqda Respublika Gidrometerologiya markazi xabar bermoqda.

Unga ko‘ra, 22 sentyabrdan O‘zbekistonga salqin va quruq havo oqimining kirishi kutilmoqda, ushbu oqim ish haftasining oxirigacha respublikadagi ob-havoni belgilaydi.

Harorat foni hamma joyda 2-4 darajaga pasayadi. Bu davrda asosan kechasi 8-13 daraja, kunduzi 22-27 daraja iliq bo‘ladi.

Eslatib o‘tamiz, o‘tgan haftadan boshlab O‘zbekistonga sovuq havo oqimi kirib kelgandi. 18 sentyabr kuni Toshkentni Farg‘ona vodiysi bilan bog‘lab turuvchi “Qamchiq” dovonida qor yog‘di.

Maqola muallifi