Hafta davomida havo harorati +17 darajagacha ko‘tariladi
Bu qiziq
−
31 yanvar 2022 6787
Ushbu hafta davomida O‘zbekistonda ob-havoni keskin o‘zgarishi kutilmaydi. Bu haqda Gidrometeorologiya xizmati markazi ma’lum qildi.
31 yanvar va 1-4 fevral kunlarida respublika hududi bo‘yicha yog‘ingarchilik kutilmaydi, faqat 2 fevralda janubiy hududlarda biroz yomg‘ir yog‘adi.
Kechasi va ertalab ba’zi joylarga tuman tushishi kuzatiladi. Shamol asosan kuchsiz bo‘ladi.
Kechalari harorat 0-5 daraja iliq atrofida, ba’zi joylarda 2 daraja sovuqqacha, shimolda hafta boshida 4 daraja sovuqqacha bo‘ladi.
Dushanbadan payshanbagacha kunduz kunlari 5-10 daraja iliq atrofida, ba’zi joylarda 12 daraja iliqqacha bo‘ladi.
Juma kuni yer bosimining keskin pasayishi boshlanadi va harorat 11-14 daraja iliqqacha, janubda 15-17 daraja iliqqacha ko‘tariladi. Respublika bo‘yicha ba’zi joylarda shamol 17-22 m/s gacha kuchayishi kutilmoqda.
Live
Barchasi