Юрген Клопп: “Салоҳ бошига қаттиқ зарба қабул қилди”.

— “Мен Салоҳнинг рақиб дарвозабонидан қабул қилиб олган зарбаси ҳақида эшитдим. Муҳаммад Салоҳ ерда ётган эди. Врач қарор қабул қилиш керак эди ва қилдиям. Албатта, биз унинг қарорига қўшиламиз. Салоҳ кийиниш хонаси ўтириб ўйиннинг боришини телевизиордан кузатиб турди. Хуллас, унда ҳаммаси жойида, лекин нима бўлишини кутамиз, албатта. Ахир, Салоҳ бошига қаттиқ зарба қабул қилди”, — дея Юрген Клоппдан иқтибос келтиради “Ливерпуль” расмий сайти.

Салоҳ олган жароҳати сабаб “Барселона” билан ўтадиган жавоб ўйинини ва Англия чемпионати доирасидаги “Вулверхэмптон”га қарши ўйинларни ўтказиб юбориши эҳтимоли катта.   

Таъкидлаш керакки, “Ньюкасл” билан ўтган ўйин “Ливерпуль” ўйинчилари учун жуда оғир кечди. УЕФА Чемпионлар лигасидаги “Барселона” билан кечган мағлубиятдан сўнг бу натижага эришиш осон бўлмади. 

Ван Дейк, Салоҳ ва Оригиларнинг голи “Ливерпул”га “Ньюкасл” устидан иродали ғалабани тақдим этди. 

Маълумот учун, Муҳаммад Салоҳ ушбу ўйинда урган голидан сўнг чемпионатда 22 гол билан пешқадам бўлиб турибди. Унинг энг яқин таъқибчилари жамоадоши Садио Мане ҳамда “Манчестер Сити” форварди Серхио Агуеро ҳисобида 20 тадан гол мавжуд