Ўзбекистонга салқин ва совуқ ҳаво оқими кириб келади

Бу қизиқ

image

Ҳафта ўртасида Ўзбекистонга совуқ ҳаво оқими кириши натижасида ҳарорат пасаяди. Ҳафта охирига бориб, совуқ ҳаво чекиниб, кунлар исий бошлайди. Бу ҳақда Гидрометеорология хизмати маркази хабар берди.

Унга кўра, 14-15 сентябрь кунлари Ўзбекистонда ёғингарчиликсиз қуруқ ва иссиқ ҳаво сақланиб туради. Кундузи ҳарорат 27-32 даража атрофида бўлади.

16 сентябрда республиканинг шимолий туманларига Волгабўйидан салқин ва кам нам ҳаво оқими киришни бошлайди. Кун давомида бу оқим мамлакатнинг шимоли ва чўл зонасидан ўтади ва булутлиликнинг ортиши ва кундузги ҳароратнинг 20-25 даражагача пасайишига олиб келади.

17-18 сентябрда салқин ва кам нам ҳаво бутун Ўзбекистон ҳудудига тарқалади. Ҳамма жойда булутлилик ортади, қисқа муддатли ёмғирлар фақат республиканинг тоғолди ва тоғли туманларида ёғиши мумкин. Ҳарорат кечаси 10-15 даражагача, кундузи 22-27 даражагача пасаяди, бу иқлимий меъёрдан 5-7 даражага пастдир.

Совуқ ҳаво фронти ўтиши натижасида 16-17 сентябрь кунлари республика бўйича шамолнинг тезлиги 15-20 м/с гача кучайиши кутилмоқда.

19 сентябрда жануби-ғарбий иссиқ ҳаво совуқ оқимни сиқиб чиқаришни бошлайди ва кундузги ҳарорат 1-2 даражага кўтарилиб, 25-30 даражани ташкил қилади.


Мақола муаллифи

Теглар

об-ҳаво

Баҳолаганлар

1508

Рейтинг

3

Мақолага баҳо беринг

Дўстларингиз билан улашинг