UFC Чимаевнинг кейинги рақиби ким бўлишини эълон қилди

БАА фуқароси ва чечен миллатига мансуб аралаш жанг санъати (ММА) устаси Ҳамзат Чимаев ўзининг UFC ўрта вазн тоифасидаги чемпионлик камарини собиқ чемпион, америкалик Шон Стриклендга қарши биринчи марта ҳимоя қилишини эълон қилди. Бу ҳақда ташкилот расмий саҳифалари хабар берди.

Маълум қилинишича, жанг жорий йилнинг 9 май куни АҚШнинг Ньюарк шаҳридаги (Ню-Жерси штати) UFC 328 турнирида асосий баҳс сифатида бўлиб ўтади.

Чимаев 2025 йил август ойида UFC 319 мусобақасида ўрта вазн тоифасидаги чемпионлик камари учун жанубий африкалик Дрикус дю Плессини ҳакамлар бир овоздан берган қарори билан мағлуб этиб, камарга эга бўлган эди. У профессионал ММА’даги 15 та жангида 15 та ғалабага эришган.

Собиқ чемпион Стрикленднинг эса ММА’даги натижаси 30 ғалаба ва 7 мағлубиятни ташкил этади. 2023 йил сентябрь ойида у UFC 293 мусобақасида америкалик Исраэль Адесанья устидан бир овоздан қарор қабул қилиб, лиганинг ўрта вазн тоифасидаги чемпиони бўлган. У ушбу чемпионликни 2024 йил январигача сақлаб қолган.