Туркияда ўзбекистонлик аёл эри томонидан пичоқлаб ўлдирилди

Туркиянинг Истанбул шаҳри Ғозийусмонпошшо туманида 45 яшар Ўзбекистон фуқароси Абдужалол Умирзоқов 10 йиллик 33 яшар рафиқаси Шаҳло Мухторовани пичоқлаб ўлдирди. Бу ҳақда Туркия маҳаллий нашрлари маълум қилди. 

Қайд этилишича, ўзбекистонлик Абдужалол У. 7 ой олдин рафиқаси Шаҳло Мухторова ва 3 нафар фарзанди билан Туркияга келган. 

Аёл икки ой аввал Шонлиурфа вилоятига бориб, у ердан иш топган, аммо эри унинг ишлашига рухсат бермаган. Бу орада аёл Истанбулга қайтиб, Фотиҳ туманида яшашни бошлайди. Жорий йилнинг 25 ноябрь куни эр яна турмуш ўртоғини Ғозийусмонпошшо туманидаги уйига олиб келади. 

Бироздан кейин аёл яна ишламоқчи эканини айтганда, жанжал яна такрор аланга олди. Шу вақт жанжал чиқади ва эр аёлини ошхона пичоғи билан пичоқлайди. Жанжал овозини эшитган қўшнилар полиция ва тез тиббий ёрдамга хабар берган. Ғозийусмонпошшо жамоат хавфсизлиги бюроси гуруҳлари воқеа жойига келиб, Абдужалол У.ни қўлга олди. Тиббий гуруҳлар Шаҳло Мухторованинг вафот этганини аниқлади. 

Аёлнинг жасади экспертиза учун Суд-тиббиёт экспертизаси институтига олиб кетилган, эр эса қўлга олинган.