Трампда Путинни ҳимоясиз қолдирадиган махфий қурол бор – “The Telegraph” 

АҚШ Президенти Дональд Трамп Молия вазири Скотт Бессентдан Россия иқтисодиётига қарши “махфий қурол” сифатида фойдаланишни режалаштирмоқда. Бу ҳақда Британиянинг “The Telegraph” газетаси баёнот берди.

Унинг фикрича, Бессент Трампнинг асосий маслаҳатчиси бўлиб, у гўёки Россия Президенти Владимир Путинни “ҳимоясиз” қолдириши мумкин, Трамп эса Россияга нисбатан стратегиясини “юмшоқдан қаттиққа” ўзгартирмоқда.

Бессентни “инқилобий ва ноанъанавий стратег” деб атаган “The Telegraph” у Хитой билан савдо уруши пайтида Трампга қандай ёрдам бергани каби Россияга иқтисодий босимни кучайтиришда муҳим роль ўйнаши мумкин, деб ҳисоблайди.

Шу билан бирга, газета таъкидлаганидек, АҚШ Президенти Москвага ҳарбий ҳужумга чинакам тайёр бўлиши ёки “украиналикларни чексиз урушда таъминлаш” қобилиятига эга бўлиши даргумон, чунки Путин Украина можаросига нисбатан ўзининг қатъий позициясига амал қилишда давом этмоқда.

8 июль куни Трамп Россияга қарши янги санкциялар қўллайдиган қонун лойиҳасини Конгресс орқали маъқуллаш имкониятини “жуда қатъий” кўриб чиқаётганини айтди. У апрель ойи бошида Сенат аъзоларидан иборат икки партияли гуруҳ томонидан киритилган эди. Ҳужжатнинг асосий муаллифлари сенаторлар Линдси Грэм (Жанубий Каролинадан республикачи) ва Ричард Блументал (Коннектикутдан демократ) эди.

Бу ташаббус Россиянинг савдо ҳамкорларига қарши иккиламчи санкцияларни ҳам назарда тутади. Сенаторлар таклифига Россиядан нефть, газ, уран ва бошқа товарларни сотиб олувчи давлатлардан АҚШга олиб кириладиган импорт божлари 500 фоизни ташкил этди.