Трамп Си ва Путин билан 3 томонлама саммит ўтказмоқчи

АҚШ Президенти Дональд Трамп кеча, 13 февраль куни Россия ва Хитой раҳбарлари Владимир Путин ва Си Цзиньпин билан уч томонлама саммит ўтказишни режалаштирган ҳолда дунё тартибининг ғайриоддий қарашларини таклиф қилди.

Киев ва Европа пойтахтлари Трампнинг Путинга қилган кутилмаган қўнғироғидан ҳануз овора бўлса-да, АҚШ Президенти Россияни 2014 йилда Москва Украинанинг Қрим яриморолини аннексия қилганидан кейин чиқариб юборилган G7 таркибига қайтаришнинг “хоҳишини” ҳам айтди.

Иккинчи муддатда ўзини глобал тинчликпарвар сифатида кўрсатган Трамп, шунингдек, “вазият тинчиганда” Владимир Путин ва Си Цзиньпин билан саммит ўтказиш ҳақида ўйлашини айтди.

“Ҳаммасини ҳал қилганимизда, мен биринчи учрашувларимдан бири Хитой раиси Си ва Россия Президенти Путин билан бўлишини истайман. Мен уларга айтмоқчиман: келинглар, ҳарбий бюджетимизни ярмига қисқартирайлик”, деди Трамп.

Шунингдек, кеча, 13 февраль куни Оқ уйда Ҳиндистон Бош вазири Нарендра Модини қабул қилган АҚШ Президенти уч давлатни ядро арсеналларини қисқартиришни бошлашга чақирди.

“Бизда мутлақо янги ядро қуролларини яратиш учун асос йўқ”, дея қўшимча қилди у.

Украина Президенти Владимир Зеленский 13 февраль куни Америка Президентини Кремл раҳбарига ишонмаслик кераклиги ҳақида огоҳлантирганига қарамай, Дональд Трамп Россия раҳбари Киев билан ўт очишни тўхтатишни хоҳлашини таъкидлади.

“Менимча, у тинчликни хоҳлайди. Менимча, агар у хоҳламаса, менга айтган бўларди”, деди Трамп.

Трамп бу фикрни рақибларга ҳам, иттифоқчиларга ҳам таъсир қилиши мумкин бўлган “ўзаро тарифлар”ни кенгайтириш режаларини имзолаганидан кейин айтди.