Тошкентга янги метро поездлари олиб келинди. Энди носозликлар бўлмайдими?

Бу қизиқ

image

Бугун, 22 октябрь куни Россиянинг “Трансмашхолдинг” акциядорлик жамияти таркибига кирувчи “Метровагонмаш” акциядорлик жамиятининг “Тошкент метрополитени” ДУК учун юборган 20 та метро вагони етиб келди. QALAMPIR.UZ янги поездлар тақдимотида бевосита иштирок этди.

Маълум қилинишича, юборилган вагонлардан Тошкентда тўртта вагонли 5 та метро поезди шакллантирилди. Янги таркибларни йўловчилар оқимига кўра, Чилонзор ва Ўзбекистон йўналишларида фойдаланишга топшириш режалаштирилган. Эндиликда ушбу модификациядаги ҳаракатланувчи таркиблар сони жами 60 вагонни, яъни 15 та тўрт вагонли поездларни ташкил этмоқда.

Янги метро поездлари ишга туширилди. Натижада эски метро поездлари муомаладан чиқариладими? Ушбу савол билан “Тошкент метрополитени” ДУК бош муҳандиси ўринбосари Абдутоҳир Абдуқодировга юзландик.

“Янги метро вагонларини қабул қилиш жараёни олиб борилмоқда. Метрополитен кенгайгани ва янги линиялар қурилгани  сабабли, эски вагонларимиз ҳам капитал таъмирланади ва хизмат вазифасини бажаришда давом этади”, дейди у.

Барчамизга маълум, жорий йилда метрополитен билан боғлиқ нохуш воқеалар бир неча бор кузатилди. Табиийки, бу фуқаролар ўртасида кўплаб норозиликларни келтириб чиқарди. Метрополитен масъули Абдуқодиров шу масалада ҳам фикр билдириб, замонавий метро поездлари бир йилдан бери синовдан ўтказиб келинаётганини маълум қилди.

“Тўғри нохуш воқеалар  бўлди. Айнан шу масала юзасидан Ўзбекистон Республикасининг Президенти Шавкат Мирзиёевнинг “Тошкент метрополитени фаолиятини самарадорлигини ошириш чора-тадбирлари тўғрисидаги” қарори қабул қилинди. Бу қарорда келтирилган асосий йўналишлардан бири-эски поездларни таъмирдан чиқаришдир. Янги поездларга келадиган бўлсак, 1 йилдан бери тажрибадан ўтказиб келмоқдамиз. Ҳали техник томондан кўнгилсизликлар бўлганича йўқ”, дейди Абдуқодиров Абдутоҳир.

Янги метро поездларининг тезлиги эскиси билан деярли бир хил. Соатига 90 км тезликгача ҳаракатлана олади. Янги поездларнинг устунлик жиҳати эскисига нисбатан 35 фоиз электр энергияни тежайди ва дизайн жиҳатидан жаҳон стандартларига жавоб бера олади.


Мақола муаллифи

Теглар

Баҳолаганлар

87

Рейтинг

3.2

Мақолага баҳо беринг

Дўстларингиз билан улашинг