Тошкентда йўловчи талашиб жанжаллашган автобус ҳайдовчилари қамалди
3-саҳифа
−
02 Март 2023 7144
Аввалроқ Тошкент шаҳри Яшнобод туманида автобус ҳайдовчилари йўл ва йўловчи талашиб жанжаллашгани ҳақида хабар берган эдик. Тартибсизлик содир этганлар жавобгарликка тортилди. Бу ҳақда Тошкент шаҳар судлари хабар берди.
Бугун, 2 март куни жиноят ишлари бўйича Яшнобод туман судида 28-сонли йўналиш автобус ҳайдовчиси Н.Б. ва 155-сонли автобус ҳайдовчиси М.М.га нисбатан юритилган маъмурий иш кўриб чиқилди. Улар Маъмурий жавобгарлик тўғрисидаги кодекснинг 183-моддаси (майда безорилик) бўйича айбли деб топилган.
Жиноят ишлари бўйича Яшнобод туман судининг қарори билан Н.Б. ва М.М.нинг ҳар бирига Маъмурий жавобгарлик тўғрисидаги кодекснинг 183-моддаси билан 7 суткадан маъмурий қамоқ жазоси тайинланди.
“Ушбу қарор устидан қонунчиликда белгиланган тартиб ва муддатларда Тошкент шаҳар судига апелляция шикояти ёки протест берилиши мумкинлиги маълум қилинади”, дейилади хабарда.
Live
Барчаси