Тиббий-ижтимоий хизматлар агентлигининг вазифалари белгиланди

Ўзбекистон Республикаси Вазирлар Маҳкамаси қарори билан "Ўзбекистон Республикаси Соғлиқни сақлаш вазирлиги ҳузуридаги Тиббий-ижтимоий хизматлар агентлиги тўғрисида"ги низом тасдиқланди.

Қарор билан сил касаллиги бўйича Республика DOTS маркази тугатилиб унинг вазифалари Республика ихтисослаштирилган фтизиатрия ва пульмонология илмий-амалий тиббиёт марказига ўтказилди.

Низомга кўра, Агентликнинг асосий вазифаси кексалар, ногиронлиги бўлган шахслар ва аҳолининг ижтимоий ҳимояга муҳтож тоифаларига кўрсатилаётган тиббий-ижтимоий хизматларни такомиллаштириш ҳисобланади.

Агентлик тузилмасига қуйидагилар киради:

• ҳудудий тиббий-ижтимоий хизматлар бўлинмалари, туман шўъбалари;
• уруш ва меҳнат фахрийлари учун республика пансионати;
• ногиронлиги бўлганлар ва кексалар учун “Мурувват” ва “Саховат” интернат-уйлари;
• ногиронлиги бўлганлар ва кексалар, уруш ва меҳнат фахрийлари учун республика санаторийлари;
• ногиронларни реабилитация қилиш ва протезлаш миллий маркази, унинг ҳудудий марказлари;
• Республика тиббий-ижтимоий экспертиза инспекцияси ва унинг ҳудудий бўлинмалари;
• Одам савдоси жабрдийдаларига ёрдам бериш бўйича республика реабилитация маркази.

Низом билан Агентликнинг ҳуқуқлари ва мажбуриятлари белгилаб берилди.

Агентлик директори Ҳукумат томонидан лавозимга тайинланади ва озод қилинади.