Тарихдаги энг яхши британиялик футболчилар рейтинги эълон қилинди

Шимолий Ирландия терма жамоаси ва “Манчестер Юнайтед”нинг собиқ ҳужумчиси Жорж Бест тарихдаги энг яхши британиялик футболчи деб топилди. Бу ҳақда “FourFourTwo” хабар берди.

Манбага кўра, Бест турли даврлардаги футболчиларни ўз ичига олган 34 кишилик рўйхатда пешқадам бўлди.

Бу борада 2-ўринни шотландиялик Кенни Далглиш (“Ливерпуль”) эгаллади. 3-ўринни эса англиялик Бобби Чарльтон (“Манчестер Юнайтед”) банд этди.

Футбол тарихидаги 10 нафар энг яхши британиялик футболчилар рўйхати:

1. Жорж Бест (Шимолий Ирландия);

2. Кенни Далглиш (Шотландия);

3. Бобби Чарльтон (Англия);

4. Бобби Мур (Англия);

5. Гарет Бейл (Уэльс);

6. Уэйн Руни (Англия);

7. Кевин Киган (Англия);

8. Ҳарри Кейн (Англия);

9. Жимми Гривз (Англия);

10. Жон Чарльз (Уэльс).

XXI асрда ўйнаган футболчилар орасида Райан Гиггз (Уэльс) – 18-ўрин, Дэвид Бекхэм (Англия) – 19-ўрин, Алан Ширер (Англия) – 22-ўрин, Фрэнк Лэмпард (Англия) – 28-ўрин ва Стивен Жеррард (Англия) – 30-ўринни банд этди.