БАА амирининг ўғли Лондонда ўлик ҳолда топилди
Олам
−
04 Июль 2019 15796
Лондонда БАА амири Султон бин Муҳаммад ал-Қосимининг ўғли Холид бин Султон ал-Қосимий ўлик ҳолда топилди. Шу муносабат билан 3 кунлик мотам эълон қилинди.
Шаржа амирлиги ишлар бошқармаси маълумотига кўра, шайх Холид Ал Қосимий 1 июль куни вафот этган. Маълум бўлишича, амир ўғлининг ўлимига гиёҳванд моддани ҳаддан ортиқ истеъмол қилиш сабаб бўлган. Аниқланишича, у ўз уйининг ювиниш хонасида ёнида шприцлар билан бирга топилган. Унинг ёши 39 да бўлиб, Шаржа амирининг учинчи ўғли эди.
Шайх Холид ал-Қосимий узоқ йиллардан буён Буюк Британияда яшаб, “Qasimi” кийим-кечак брендига асос солган эди. “Qasimi” бренди сайтида унинг Шаржа амирлиги оиласига боғлиқлиги тўғрисида ҳеч қандай маълумот берилмаган.
Шаржа амирининг тўнғич фарзанди шайх Муҳаммад бин Султон ал-Қосимий ҳам 1999 йилда айнан Англияда ўлик ҳода топилганди. Кейинчалик олиб борилган суриштирувларда унинг гиёҳванд моддани ҳаддан зиёд истеъмол қилиш натижасида ҳалок бўлгани аниқланганди.
Live
Барчаси