Россия ракеталари ҳақида ёлғон тарқатган журналист ишдан ҳайдалди

Олам

image

“Associated Press” Польша шарқида Россия ракеталари қулагани ҳақида нотўғри ёзган журналистни ишдан бўшатди. Бу ҳақда кеча, 21 ноябрь куни “The Daily Beast” портали хабар берди. 

Порталнинг маълум қилишича, гап 15 ноябрь куни АҚШ разведкасининг исми ошкор этилмаган юқори мартабали мулозимига таяниб агентлик томонидан эълон қилинган, “Россия ракеталари” Польша чегарасини кесиб ўтиб, икки киши ҳалок бўлганини даъво қилинган хабар ҳақида кетмоқда. 

Ушбу маълумотдан Интернет ва телевидениеда фаол иқтибос келтирилди ва "дунёни қўрқитди",  деб таъкидлайди портал. 16 ноябрь куни агентлик тузатиш киритди ва янгиликни олиб ташлади. Нотада айтилишича, “Associated Press” “Россия ракеталари” қулагани ҳақида “хато хабар берган”. Агентлик ракеталар “катта эҳтимол билан Украина томонидан учирилган”ини тан олган. 

21 ноябрь куни агентлик асл ҳикояга эга бўлган журналист Жеймс Лапортани ишдан бўшатди. Портал маълумотларига кўра, янгилик Жон Лестер билан ҳамкорликда ёзилган, бироқ у ҳали ҳам “Associated Press”да ишламоқда. 

Хабар билан боғлиқ муаммолардан бири маълумотларнинг бир манбадан олинган маълумотларга асосланганлиги эди, гарчи қоидалар "агар манба аноним бўлса, бир нечта манбаларни" талаб қилади. “The Daily Beast” билан суҳбатлашган агентлик вакили ҳамкасбининг ишдан бўшатилиши ҳақидаги маълумотга изоҳ бермаган, лекин “Associated Press”нинг қаттиқ таҳрир стандартлари ва амалиёти ҳақида гапирган. 

Журналистнинг ишдан бўшатилиши ҳақида “The Washington Post” алоҳида хабар тарқатди, унда 35 ёшли Лапорта "кичик тергов"дан сўнг ишидан айрилгани таъкидланган.


Мақола муаллифи

Теглар

Баҳолаганлар

156

Рейтинг

3.1

Мақолага баҳо беринг

Дўстларингиз билан улашинг