Рамазон Темиров UFC рейтингида пасайди

Спорт

−

11:22 visibility816 timer1 дақиқа

Ўзбекистонлик аралаш яккакураш устаси Рамазон Темиров UFC’нинг янгиланган рейтингида еттинчи ўриндан ўнинчи ўринга тушиб кетди. Бу ҳақда UFC хабар берди.

Янгиланиншга кўра, Темировнинг сўнгги жангдаги рақиби, британиялик Лонер Кавана эса олтинчи поғонадан бешинчи ўринга кўтарилди.

Жангчилар жорий йилнинг 24 октябрь куни БААнинг Абу-Даби шаҳрида ўтказилган UFC 333 турнирида октагонга чиқганди. Ушбу жанг техник нокаут билан Кавана фойдасига якунланди.

Ушбу мағлубият Темиров учун UFC’даги илк мағлубият бўлди. Шунингдек, у ўзининг профессионал ММА’даги 12 та жангдан иборат ғалабали сериясини тўхтатди.

Каванага қарши жангга қадар Темиров UFC’да учта ғалабага эришган эди. У промоушенда жей Вергара, Чарльз Жонсон ва Стив Эрцег устидан ғалаба қозонган.

Эслатиб ўтамиз, аввалроқ Рамазон Темиров UFC 333 турнири орқали 61 минг АҚШ доллари миқдорда гонорар олгани ҳақида хабар берилганди.

Мақола муаллифи