Мирзиёев афғон муаммоси бўйича Германия Президенти билан келишувга эришди

Жамият

image

Ўзбекистон Республикаси Президенти Шавкат Мирзиёев бугун, 17 август куни Германия Федератив Республикаси Президенти Франк-Вальтер Штайнмайер билан телефон орқали мулоқот қилди. Бу ҳақда Ўзбекистон раҳбари Матбуот хизмати хабар бермоқда. 

Қайд этилишича, мулоқот давомида кўп қиррали Ўзбекистон-Германия муносабатларини янада ривожлантириш масалалари кўриб чиқилди ҳамда минтақавий ҳамкорликнинг энг муҳим жиҳатлари муҳокама қилинган. 

“Афғонистондаги вазиятнинг ривожланишига алоҳида эътибор қаратилди. Ушбу мамлакатдаги ҳарбий-сиёсий кескинликнинг кучайиши минтақавий ва халқаро хавфсизлик ҳолатига жиддий салбий таъсир кўрсатиши мумкин экани таъкидланди.

Афғон муаммосининг тинч йўл билан ҳал этилишига кўмаклашиш бўйича биргаликдаги саъй-ҳаракатларни яқиндан мувофиқлаштириш ҳамда минтақадаги вазият юзасидан мунтазам сиёсий маслаҳатлашувлар олиб бориш тўғрисида келишувга эришилди”, дейилади расмий хабарномада.

Шунингдек, Афғонистондан Германия фуқароларини эвакуация қилиш масалалари бўйича ҳамкорлик ҳам давом эттирилиши алоҳида таъкидланган.


Мақола муаллифи

Теглар

Баҳолаганлар

585

Рейтинг

2.9

Мақолага баҳо беринг

Дўстларингиз билан улашинг