“Ман Сити” футболчиси Ҳабибга бутсаларини совға қилди

“Манчестер Сити” футболчиси Райан Шерки UFC Шон-шараф зали аъзоси, собиқ енгил вазн чемпиони Ҳабиб Нурмагомедов билан учрашди. 22 ёшли футболчи машҳур жангчига ўзининг имзоланган бутсаларни совға қилди.

Маълум қилинишича, Шерки Ҳабиб билан самимий суҳбатлашган, шундан сўнг футболчи унга дастхат қўйилган бутсаларини совға қилган.

Маълумот учун, 37 ёшли Нурмагомедов сўнгги жангини 2020 йил 24 октябрь куни Абу-Дабидаги Яс оролида бўлиб ўтган UFC 254 турнири доирасида ўтказган. Ўша баҳсда у вақтинчалик UFC енгил вазн чемпиони, америкалик Жастин Гейджини иккинчи раундда бўғиш усули орқали мағлуб этган эди. Бу ғалаба Ҳабиб учун профессионал фаолиятидаги 29-ғалаба бўлиб, жангдан сўнг у аралаш яккакурашни тарк этишини эълон қилган.

Райан Шерки эса жорий мавсумда “Манчестер Сити” сафида барча мусобақаларда 22 та учрашувда майдонга тушиб, 5 та гол урди ҳамда 8 та голли узатмани амалга оширди.