Махачев Волкановскини мағлуб этди
Спорт
−
12 Февраль 2023 11248
Австралиянинг Перт шаҳрида UFC 284 турнири якунланди. Асосий кардда, турнирнинг марказий жангида россиялик жангчи Ислом Махачев австралиялик Александр Волкановски қарши октагонга кўтарилди.
Ҳакамлар қарорига кўра, Махачев бир овоздан ғалаба қозонди.
31 ёшли Ислом Махачев 2022 йил октябрь ойида бразилиялик Чарльз Оливейрани иккинчи раундда муддатидан олдин мағлуб этиб, UFC чемпиони бўлганди. Умумий олганда, жангчи UFC'да 13 ғалаба ва битта мағлубият қайд этди.
34 ёшли Алекс Волкановски эса 2019 йил декабрь ойида енгил вазн тоифасида (65 кггача) UFC чемпионлигини қўлга киритганди ва тўртта ҳимоя жангини муваффақиятли ўтказди. Умумий олганда, жангчи UFC'да 12 ғалабага эришиб, бир марта мағлубиятга учради.
Маълумот учун, Волкановскига қарши баҳс Махачевнинг Ҳабиб Нурмуҳаммедов мураббийлигисиз ўтказган биринчи жанги ҳисобланади.
Live
Барчаси