Латвияда янги хавфли наркотик аниқланди

Олам

−

03 Октябрь visibility5318 timer1 дақиқа

Латвияда инсон саломатлиги учун жуда хавфли бўлган янги синтетик опиоид – “спирохлорфин” аниқланди. Касалликларни олдини олиш ва назорат маркази (SPKC) ушбу модда ҳамда уни ўз ичига олган маҳсулотларга вақтинчалик тақиқ жорий этди. Бу ҳақда маҳаллий матбуот хабар берди.

Полициянинг маълум қилишича, бу модда илк бор ўтган кузда аниқланган. Аммо ҳуқуқ-тартибот идоралари батафсил изоҳ беришдан бош тортди, фақат ўтган йил ноябрь ойи охирида бу ҳақда SPKCни хабардор этганини маълум қилди.

Спирохлорфин — фентанилга нисбатан икки баравар кучли таъсир кўрсатадиган наркотик модда бўлиб, унинг истеъмоли инсон саломатлигига жиддий зарар етказади ва ҳатто ҳаёт учун хавф туғдириши мумкин. SPKC спирохлорфин ва уни ўз ичига олган маҳсулотларни ишлаб чиқариш, сотиб олиш, сақлаш, ташиш, почта орқали жўнатиш ва тарқатишни жорий йил йил декабргача вақтинчалик тақиқлади.

Мақола муаллифи