Келаси ҳафта об-ҳаво қандай бўлади?

Ўзгидромет 15-22 март кунлари кузатиладиган об-ҳаво прогнозини эълон қилди.

Унга кўра, Қорақалпоғистон Республикаси, Хоразм вилоятида ҳаво ўзгарувчан бўлади, 21-22 мартда баъзи жойларда ёмғир ёғиши мумкин. Шарқий шамол йўналишини ўзгартириб, ғарбдан 7-12 м/с тезликда эсади, 15-17 мартда 13-18 м/с гача кучайиши мумкин. Ҳарорат кечаси 15-16 мартда 3 даража совуқ, 2 даража илиқ, 17-20 мартда 2-7 даража илиқ, кундузи 15-21 мартда 10-15 даража илиқ, 22 мартда 12-17 даража илиқ бўлади.

Бухоро ва Навоий вилоятида ҳаво ўзгарувчан бўлади, ёғингарчилик кутилмайди, фақат 18 ва 21-22 мартда айрим жойларда ёмғир ёғиши мумкин. Шарқий шамол йўналишини ўзгартириб, ғарбдан 7-12 м/с тезликда эсади, 16-17 мартда 13-18 м/с гача кучайиши мумкин. Ҳарорат 16-22 мартда кечаси 8-13 даража илиққача, кундузи 17-22 даража илиққача кўтарилади; Навоий вилояти шимолида кечаси 15-16 мартда 3 даража совуқ, 2 даража илиқ, 17-20 мартда 2-7 даража илиқ, кундузи 15-21 мартда 10-15 даража илиқ, 22 мартда 12-17 даража илиқ бўлади.

Тошкент, Сирдарё, Жиззах, Самарқанд вилоятларида ҳаво ўзгарувчан бўлади, ёғингарчилик кутилмайди, фақат 18-19 ва 21-22 мартда айрим жойларда ёмғир ёғиши мумкин. Шарқий шамол йўналишини ўзгартириб, ғарбдан 7-12 м/с тезликда эсади, 17 мартда 13-18 м/с гача кучайиши мумкин. Ҳарорат 16 мартда кечаси 2-7 даража илиқ, кундузи 14-19 даража илиқ; 17 мартда кечаси 3-8 даража илиқ, кундузи 14-19 даража илиқ; 18 мартда кечаси 5-10 даража илиқ, кундузи 12-17 даража илиқ; 19 мартда кечаси 5-10 даража илиқ, кундузи 15-20 даража илиқ; 20 мартда кечаси 5-10 даража илиқ, кундузи 17-22 даража илиқ; 21-22 мартда кечаси 7-12 даража илиқ, кундузи 17-22 даража илиқ бўлади.

Қашқадарё ва Сурхондарё вилоятларида ҳаво ўзгарувчан бўлади, баъзи жойларда ёмғир ёғиши мумкин, фақат 16 ва 20 мартда ёғингарчилик кутилмайди. Шарқий шамол йўналишини ўзгартириб, ғарбдан 7-12 м/с тезликда эсади, 17 мартда 13-18 м/с гача кучайиши мумкин. Ҳарорат 15 мартда кечаси 3-8 даража илиқ, кундузи 13-18 даража илиқ бўлади, 15-17 мартда кечаси 7-12 даража илиққача, кундузи 18-23 даража илиққача кўтарилади; 18 мартда кечаси 7-12 даража илиқ, кундузи 15-20 даража илиқ; 19 мартда кечаси 7-12 даража илиқ, кундузи 18-23 даража илиқ; 20 мартда кечаси 7-12 даража илиқ, кундузи 20-25 даража илиқ; 21-22 мартда кечаси 10-15 даража илиқ, кундузи 20-25 даража илиқ бўлади.

Андижон, Наманган, Фарғона вилоятларида ҳаво ўзгарувчан бўлади, ёғингарчилик кутилмайди, фақат 19 ва 21-22 мартда баъзи жойларда ёмғир ёғиши мумкин. Шамол шарқдан 5-10 м/с тезликда эсади. Ҳарорат 15 мартда кечаси 0-5 даража илиқ, кундузи 10-15 даража илиқ бўлади, 16-22 мартда кечаси 7-12 даража илиққача, кундузи 17-22 даража илиққача кўтарилади.

Республиканинг тоғолди ва тоғли ҳудудларида ҳаво ўзгарувчан бўлади, вақти-вақти билан ёғингарчилик (ёмғир, қор) бўлади, фақат 16 мартда ёғингарчилик кутилмайди. Баъзи жойларга туман тушиши мумкин. Шарқий шамол йўналишини ўзгартириб, ғарбдан 7-12 м/с тезликда эсади. Ҳарорат кечаси 15 мартда 0-5 даража совуқ бўлади, 16-18 мартда 3-8 даража илиққача кўтарилади, кундузи 15-18 мартда 5-10 даража илиқ, 19-22 мартда 10-15 даража илиқ бўлади.