Қирғизистонда қизини икки йил давомида зўрлаб келган отага ҳукм ўқилди

Қирғизистонда эркак ўгай қизини 12 ёшида зўрлай бошлаган ва бу ҳаракатини икки йил давомида амалга оширган. Суд уни умрбод қамоқ жазосига ҳукм қилди. Бу ҳақда “Турмуш” хабар берди.

2025 йилнинг апрель ойида Омбудсман идораси ушбу воқеага тўхталиб, ҳуқуқ-тартибот идораларини зўрланган 15 ёшли қизнинг ҳуқуқларини ҳимоя қилиш бўйича комплекс чоралар кўришга чақирган. Қизнинг оғир ҳаётий аҳволи ҳақида маълумот олган пайтдан бошлаб институт ходимлари вазиятни назорат қилиб, унинг ҳуқуқларини ҳимоя қилиш чораларини кўришга киришган.

Иссиқота туман Меҳнат, ижтимоий таъминот ва миграция бўлимининг оила ва болаларни ҳимоя қилиш бўлимига кўра, ўсмир Жалолобод вилоятининг Сузоқ туманида яшовчи 43 ёшли ўгай отаси томонидан зўрланган. Қиз отаси уни 12 ёшида зўрлаб, икки йилдан ортиқ зўравонликни давом эттирганини маълум қилган.

Ўсмир буни сўроқ пайтида тасдиқлаган. Қизнинг сўзларига кўра, онаси ҳам бундан хабардор бўлган, лекин ҳеч қандай чора кўрмаган, аксинча, қизини айблаб, танбеҳ берган. Ўсмирнинг маълум қилишича, 2024 йилнинг кузида онаси ишлаш учун чет элга кетган ва уч қизини (охирги турмушидан иккитаси энг кичиги) эрига ташлаб кетган. Бироз вақт ўтгач, онаси қизларини Чуй вилоятининг Иссиқота туманида яшовчи онасиникига юборган. Қиз опалари билан вақтинча Иссиқота туманида яшаб, ўқиган.

2025 йил апрель ойида аёл қизларни отасига қайтаришга қарор қилган. Аммо уларнинг каттаси Сузоқга боришдан бош тортган ва ўгай отаси томонидан мунтазам равишда зўравонлик содир этилгани ҳақида айтиб берган. 16 апрель куни қиз Иссиқота туман ИИБга олиб борилган ва у ерда сўроқ қилинган ҳамда суд-тиббий экспертиза тайинланган. Кейин қизнинг ўзи вақтинча болалар марказига жойлаштирилган. Онаси мамлакатда йўқ бўлган вақтда ижтимоий соҳа ходимлари уни ўз қарамоғига олган.

Ҳолат юзасидан бугун, 23 сентябрь куни бўлиб ўтган судда отага умрбод қамоқ жазоси берилди.

Эслатиб ўтамиз, аввалроқ Тошкент вилояти туманларидан бирида эркак ўз қизига зўравонлик қилгани аниқланганди. Унга 12 йил озодликдан маҳрум этиш жазоси тайинланганди.