Қатарда “Seeds for the Future” таълим лойиҳасининг очилиш маросими бўлиб ўтди

Ўзбекистон Республикаси Рақамли технологиялар вазирлиги кўмагида 15 нафар талаба, назорат органи ва Ўзбекистон олий ўқув юртлари вакиллари “Seeds for the Future” таълим дастурида иштирок этди. Ушбу лойиҳада бу йил Яқин Шарқ ва Марказий Осиёдан 175 нафар талаба қатнашди. 

Шунингдек, Доҳа шаҳрида  лойиҳа доирасида илғор АКТ технологияларини жорий этиш орқали ижтимоий муаммоларни ҳал қилишга ёшларни жалб этишга қаратилган Tech4Good минтақавий танлови ҳам бўлиб ўтди.

2023 йил 3 сентябрь куни Қатар пойтахти Доҳа шаҳрида Яқин Шарқ ва Марказий Осиё университетлари талабалари учун “Seeds for the Future”  нуфузли таълим дастурининг очилиш маросими ўтказилди. Қатар миллий анжуманлар марказида лойиҳанинг биринчи босқичи бошланди. Лойиҳада Рақамли технологиялар вазирлиги кўмагида Ўзбекистоннинг еттита олий таълим муассасаси талабалари ҳам иштирок этди. 

Яқин Шарқ ва Марказий Осиёнинг етакчи университетларидан 175 нафар талабани Қатарда илк бор бирлаштирган минтақавий тадбир маҳаллий истеъдодларни ривожлантириш, билим алмашиш, АКТ соҳаси ҳақида хабардорликни ошириш ва ёш истеъдодларнинг рақамли ҳамжамиятини ривожлантиришдан иборат. Лойиҳа иштирокчилари Қатар, Саудия Арабистони, Қувайт, БАА, Баҳрайн, Қозоғистон, Покистон, Уммон, Иордания, Ливан, Ироқ, Озарбайжон, Мўғулистон ва Қирғизистон каби 15 давлатдан келган талабалардан иборат эди. Лойиҳада ўзбекистонлик 15 нафар талаба билан бир қаторда Тошкент шаҳридаги Инҳа университети битирувчиси, 2022 йилги лойиҳа иштирокчиси, бу йил Global Ambassado сифатида лойиҳани тақдим этувчи - Нодира Тиллаева ҳам иштирок этди. Дастур иштирокчилари Тошкент ахборот технологиялари университети, Тошкент шаҳридаги Инҳа университети, Тошкент шаҳридаги Амити университети, Тошкент халқаро таълим университети, Тошкент шаҳридаги Кимё халқаро университети, Тошкент шаҳридаги Турин политехника университетининг юқори курс талабаларидир. Лойиҳа мобайнида дастурни 50 нафар талаба Хитойда тамомлаган, 82 нафар талаба эса пандемия туфайли дастурнинг онлайн ва гибрид версияларида иштирок этган.

Очилиш маросимида Ўзбекистон рақамли технологиялар вазири ўринбосари Рустам Каримжонов иштирок этди ва IT таълимнинг мамлакат келажагини шакллантиришдаги муҳим ролига тўхталди. У ўз нутқи давомида сўнгги йилларда жаҳон IT саноатида IT хизматлари экспорти сезиларли даражада ошганини ҳам айтиб ўтди. 

“Рақамли технологиялар вазирлиги ахборот технологиялари ва хизматларини ривожлантириш бўйича фаол чора-тадбирлар кўрмоқда. Уларнинг ҳажми 2030 йилга бориб 5 миллиард АҚШ долларига етиши керак. Ёшларни юқори маошли иш ўринлари билан таъминлаш ва IT хизматларини экспорт қилиш орқали иқтисодий ўсишни рағбатлантириш мақсадида вазирлик “умрбод таълим” тамойили асосида иқтидорли ёшларнинг билим ва кўникмаларини ошириш ҳамда барқарор экотизимни яратишга интилади”, деди у.

“IT иқтисодий ўсиш, иш ўринларини яратиш ва рақамли тафовутни кўпайтиришни таъминламоқда. Ўзбекистон келажагига сармоя киритиш бўйича мажбуриятимиз ўқитувчилар малакасини ошириш, инфратузилмани кенгайтириш ва махсус ишлаб чиқилган иқтидор дастурларини ишлаб чиқишни ўз ичига олган кенг қамровли саъй-ҳаракатларни талаб қилади. Huawei каби ҳамкорларимиз кўмагида биз ўз олдимизга қўйган улкан мақсадларга эришиш ва ёшларимизнинг истиқболли келажагини таъминлашга ишонамиз”, дея қўшимча қилди Рустам Каримжонов.

Huawei компаниясининг Яқин Шарқ ва Марказий Осиёдаги вице-президенти Ван Шунли ҳам сўзга чиқди.

“Huawei Яқин Шарқ ва Марказий Осиёда, жумладан, Ўзбекистонда очиқ, умумий АКТ истеъдодлар экотизимини ривожлантириш тарафдори. “Seeds for the Future” бизнинг асосий глобал корпоратив ижтимоий масъулият дастуримиз бўлиб, истеъдодларни ўз мамлакатлари келажагини шакллантиришга илҳомлантиради. Биз дастуримизни қўллаб-қувватлаганликларингиз учун миннатдормиз ва 2023 йил иштирокчиларига энг яхши тилакларимизни билдирамиз”, деди вице-президент.

Рақамли технологиялар вазири Шерзод Шерматов Қатарга сафари арафасида талабалар билан учрашиб, уларни Ўзбекистон ёшлари учун тўққизинчи бор ўтказилаётган лойиҳада муваффақиятли иштирок этгани билан табриклади.

Дастур давомида иштирокчилар илғор АКТ технологиялари, илмий ва технологик етакчилик  мавзуларида интенсив тренинглар ва семинарларда иштирок этдилар. Бу орқали иштирокчилар 5G, сунъий интеллект ва булутли технологиялар ҳақида янада кўпроқ тушунчага эга бўлдилар.

Реклама ҳуқуқи асосида