Huawei Uzbekistan ICT Competition 2023-2024 танлови бошланганини эълон қилади

Huawei компанияси ўзбекистонлик талабаларни ҳар йили ўтказиладиган ICT Competition 2023-2024 танловида иштирок этиш ва АКТ соҳасида ўз маҳоратини намойиш этишга таклиф қилади. Рўйхатдан ўтиш 2023 йил 15 октябргача давом этади.

Huawei ўзи фаолият юритаётган мамлакатларда, жумладан, Ўзбекистонда ҳам маҳаллий ҳамжамиятлар учун қиймат яратиш тарафдори. Айни пайтда жаҳон миқёсида малакали АКТ мутахассисларини тайёрлаш, стартапларни қўллаб-қувватлаш, атроф-муҳит ва табиий ресурсларни муҳофаза қилишга қаратилган 270 дан ортиқ ижтимоий дастурлар амалга оширилмоқда, бу эса ижтимоий-иқтисодий тикланиш ва тараққиётга хизмат қилмоқда.

Таълим соҳасидаги ташаббусларни қўллаб-қувватлаш мавзуси Huawei’нинг ижтимоий йўналтирилган лойиҳалари орасида алоҳида ўрин тутади, чунки мамлакатлар рақамли истеъдодларни ривожлантириш ва аҳолининг рақамли саводхонлиги ва кўникмаларини оширишнинг энг яхши усулларини татбиқ этмоқда. Назорат қилувчи органлар ва олий таълим муассасалари билан ҳамкорликда компания IT-таълимни фаол тарғиб қилиш ва иқтидорли ёшларни АКТ соҳасига жалб этиш учун шарт-шароитлар яратишга интилади. Шундай қилиб, Ўзбекистон Республикаси Рақамли технологиялар вазирлиги кўмагида мамлакатимизнинг етакчи университетларидан 15 нафар талаба 2-16 сентабрь кунлари Қатар ва БААда ўтказиладиган “Seeds for the Future” йиллик таълим дастурида қатнашиб, минтақавий Tech4Good  танловида ғалабани қўлга киритди.

Huawei ўзбекистонлик талабаларга рақамли кўникмаларини ошириш ва глобал АКТ танловида иштирок этиш учун яна бир имкониятни тақдим этади. ICT Competition Huawei ICT Academy дастурининг муҳим элементларидан бири бўлиб, у АКТ соҳасида истеъдодларни ривожлантириш ва мутахассисларни тайёрлашга мўлжалланган. Танлов бир неча йил кетма-кет бутун дунёда ўтказиб келинмоқда ва талабалар ва мутахассислар ўртасида билим, тажриба ва ғоялар алмашинуви майдонига айланган.

Huawei ICT Competition Huawei ICT Academy талабалари ва ICT Aкадемияга қўшилишни хоҳловчи олий таълим муассасалари талабалари учун мўлжалланган. Мазкур танлов орқали Huawei талабаларга соғлом рақобат ва фикр алмашиш учун платформа яратиш, шу орқали уларнинг АКТ соҳасидаги билим ва амалий кўникмаларини ошириш, шунингдек, янги технологиялар ва платформалар ёрдамида инновациялар яратиш қобилиятини оширишни мақсад қилган.

2015 йилда биринчи марта ташкил этилганидан бери Huawei ICT Competition рақобати кўлами ўсишда давом этди. Ўтган йили Huawei ICT Competition танловида 2000 дан ортиқ коллеж ва университетлардан 120 мингдан ортиқ талаба иштирок этди. Huawei ICT Competition 2022-2023 дунёнинг 74 мамлакати ва минтақаларидан талабаларни бирлаштирди. Мусобақа натижасида 146 та жамоа якуний тест синовларида иштирок этди.

ICT Competition 2023-2024 бир неча босқичлардан иборат бўлади, жумладан, минтақавий даражадаги саралаш босқичлари, ярим финал ва финал. Иштирокчилар тармоқ технологиялари, булутли ҳисоблаш, сунъий интеллект ва бошқа тегишли АКТ соҳалари каби турли номинациялар бўйича беллашадилар.

Рўйхатдан ўтиш муддати: 15.10.2023.

ICT Competition ҳақида батафсил маълумот.

Реклама ҳуқуқи асосида