Газ ўғрилари давлатга 8 миллиард сўмга яқин зарар етказган

Кейинги йилларда кўплаб огохлантиришларга ва белгиланган тартибда чоралар кўрилганига қарамай, якка тартибдаги бизнес вакиллари, шунингдек республика ахолиси томонидан табиий газдан фойдаланиш қоидаларига риоя қилмаслик ҳолатлари афсуски, давом этмоқда.

Жамоатчилик назорати ва фуқароларнинг газдан фойдаланишда бефарқлиги қонунбузарларнинг жазосиз қолишига ва уларнинг эркин ҳаракатларига ёрдам беради. Шуни эсда тутиш керакки, газ таъминотидаги узилишлар ва узилишларнинг асосий сабабларидан бири газ тармоқларига тартибсиз, рухсатсиз уланишдир.

Ўрганишлар давомида жорий йилнинг сентябр ойида “Ўзнефтегазинспекция” томонидан Ўзбекистонда газдан ноқонуний фойдаланиш бўйича ўтказилган профилактик тадбирларда газ таъминотига ноқонуний уланиш орқали 300 тадан ортиқ холат аниқланиб жами 8 миллиард сумга яқин, 7 миллион 682 минг метр куб табиий газдан ноқонуний равишда фойдаланиб, зарар етказгани аниқланди.

Хусусан, Андижон вилоятида жойлашган “Мухаммад ХССНЧФ” корхонага қарашли оҳак ишлаб чиқариш цехида 390 миллион сўмдан ортиқ, 394 минг метр куб, шунингдек, Тошкент вилоятида жойлашган “Хуррам Савдо” МЧЖга қарашли оҳак ишлаб чиқариш цехида жами 128 миллион сўмдан ортиқ 128 минг 772 метр куб табиий газдан ноқонуний фойдалангани аниқланди.

Умуман олганда, шу йилнинг бошидан 2 минг 250 дан ортиқ табиий газдан ноқонуний равишда фойдаланиш ҳолатлари аниқланган бўлиб, тегишли чоралар кўриш учун хужжатлар ҳуқуни муҳофаза қилиш органларига топширилди.
 

Тошкент вилоятида табиий газдан ноқонуний истеъмол қилиш хажми жами 1 миллиард сўмлик 956 минг метр кубни ташкил этди. Сиқилган ва суюлтирилган газдан фойдаланиш қоидаларига риоя қилиш бўйича профилактик тадбирлар давом этмоқда.