Chery Automobile: Yangi energiya olamidagi texnologik yutuq

1997 yilda tashkil etilgan Chery Automobile kompaniyasi "texnologiya, sifat va xalqaro hamkorlik" strategiyasini amalga oshirish orqali jahon bozorida raqobatbardosh brend yaratishga intiladi. 26 yillik rivojlanish davomida Chery mahsulotlari dunyoning 80 dan ortiq mamlakatlari va mintaqalarida sotilmoqda. Global miqyosda uning 1500 dan ortiq savdo va xizmat ko‘rsatish nuqtalari mavjud. Chery butun dunyo bo‘ylab 12,7 milliondan ortiq foydalanuvchilarga xizmat ko‘rsatib, so‘nggi 20 yil davomida Xitoyning yengil avtomobillar eksporti bo‘yicha yetakchi brendi sifatida o‘z mavqeini saqlab qoldi.

An’anaviy ichki yonuv dvigateli segmentida Chery yetakchi o‘rinni egallab, uchta asosiy komponent, jumladan, dvigatel, transmissiya va shassi yordamida noyob raqobatdosh ustunlikni yaratdi. Bu xitoylik avtomobil ishlab chiqaruvchilarning yirik yutug‘iga aylandi, avtomobillar sotuvi bir milliondan oshib ketdi va jahon bozorida birinchi bo‘lib Chery Tiggo 8, Chery 7 va Arrizo modellari orasida mashhurlikka erishdi.

2023 yilning yanvar oyidan noyabr oyigacha Cheryʼning sotuvlari 1 mln 665 ming 626 ta avtomobilni tashkil etdi. Bu ko‘rsatkich o‘tgan yilga nisbatan 47,8 foizga o‘sdi. Brendning rivojlanish dinamikasi o‘sishda davom etmoqda. Chery ichki yonuv dvigatellari bozorida o‘z ishtirokini mustahkamlab, yangi energiya manbalariga faol harakat qilmoqda.

Kompaniya hozirda plaginli gibrid elektromobillar, uzoq masofaga harakatlanuvchi akkumulyatorli elektr transport vositalari va vodorod energiyasini o‘z ichiga olgan ko‘p qirrali rivojlanish strategiyasini amalga oshirmoqda. Chery, shuningdek, "to‘rt vertikal va uch gorizontal" rivojlanish strategiyasini shakllantirib, akkumulyatorlar, motorlar va elektron boshqaruv tizimlarini o‘z ichiga olgan tadqiqot va ishlanmalarni faol ravishda olib bormoqda.

2002 yilda Chery "xavfsiz, energiya tejamkor va ekologik toza" mahsulot tushunchasini taqdim etdi. "Yashil", kam uglerodli va barqaror rivojlanish strategiyasi mahsulotni ishlab chiqishdan marketing terminallarigacha bo‘lgan butun ishlab chiqarish zanjiriga kiradi.

Cheryʼning yangi energiya mahsulotlari MHEV, PHEV va BEV kabi turli segmentlarni qamrab oladi, ular "yangi uchta ustun"ga tayanadi: gibrid ajratilgan dvigatellar, transmissiyalar va akkumulyator paketlari. Bu kompaniyaning raqobatbardosh bozordagi texnologik poydevorini mustahkamlaydi, foydalanuvchilarni yuqori sifatli "yashil" avtomobillar bilan ta’minlaydi va energiyani tejash va chiqindilarni kamaytirish bo‘yicha global sa’y-harakatlarga yanada oqilona hissa qo‘shadi.

O‘zbekiston avtomobillarni elektrlashtirishga o‘tishni tezlashtirar ekan, Chery bozordagi o‘zgarishlarga faol javob bermoqda. 2024 yilning birinchi yarmida Chery O‘zbekiston bozorida o‘zining birinchi gibrid elektr avtomobili PHEV (Plug-In Hybrid Electric Vehicle)ni chiqaradi. 

Texnologik imkoniyatlardan kelib chiqqan holda kompaniya foydalanuvchilarga yuqori sifatli, yuqori samarali va energiya tejaydigan yangi energiya vositalarini taklif qilishga intiladi, "yashil" va kam uglerodli sayohat imkoniyatlarini kengaytiradi va ekologik barqarorlikni rag‘batlantiradi.

Eslatib o‘tamiz, ADM Global Chery brendining O‘zbekistondagi rasmiy distribyutori hisoblanadi.

Telegram kanalimizga a’zo bo‘ling

Telegram bot:  https://t.me/cheryuzbekistanbot

Instagram’da yangiliklardan xabardor bo‘ling

YouTube’da yangiliklardan xabardor bo‘ling

Batafsil ma’lumot uchun saytimizga tashrif buyuring cheryauto.uz 

                   Reklama huquqi asosida