ChatGPT’дан соғлиқ ҳақида маслаҳат олиш хатарли – ОАВ

ChatGPT ва бошқа сунъий интеллект чатботларидан соғлиқ ҳақида тез-тез фойдаланиш айрим одамларда “касалликдан ортиқча қўрқув”ни кучайтириши мумкин. Бу ҳақда “The Atlantic” нашри хабар берди.

Журналист Сейж Лаззаро тўртта терапевт билан суҳбатлашган ва улар мижозларида хавотирли тенденцияларни қайд этган. Мутахассислар фикрича, AI фойдаланувчини доимий равишда “тасдиқ излаш”га ундайди, бу эса руҳий ҳолатни янада оғирлаштиради.
Психолог Лиса Левиннинг таъкидлашича, чатботларнинг тез ва шахсийлаштирилган жавоблари оддий Google’дан ҳам кучлироқ таъсир қилади ва одамни янада кўпроқ савол беришга мажбур қилади.

Экспертлар ҳисобига кўра, соғлиқ билан боғлиқ хавотир аҳолининг тахминан 12 фоизигача таъсир қилиши мумкин. Шунингдек, бошқа турдаги хавотир ҳам чатботлардан фойдаланиш орқали кучайиши мумкин.

Шифокор Сам Альтман эса бундай муаммолар жуда кичик фойдаланувчилар гуруҳига таъсир қилишини айтган. Шу билан бирга, компания AI орқали соғлиқ ҳақида маслаҳат олиш фойдаланувчиларга ўзини “кўпроқ хабардор ва тайёр” ҳис қилишига ёрдам беришини таъкидлайди.

Бироқ танқидчиларнинг фикрича, муаммо шундаки, чатботлар доимий равишда тасалли берувчи жавоблар тақдим этади. 

Баъзи мутахассислар эҳтиёткор ёндашувни таклиф қилади: фойдаланувчи чатботдан соғлиқ бўйича фақат бир марта савол бериш билан чекланиши мумкин. Аммо бошқа терапевтлар буни ҳам “тасдиқ излаш”нинг бир тури деб ҳисоблаб, бундай усулни ҳам эҳтиёткорлик билан қўллаш кераклигини айтмоқда.

Хулоса қилиб айтганда, AI соғлиқ бўйича маълумот олишда фойдали бўлиши мумкин, лекин уни ортиқча ишлатиш айрим одамларда хавотирни кучайтириб, психологик муаммоларни чуқурлаштириши эҳтимоли бор.