Буюк Британия Осиёда ҳарбий мавқеини оширади – ОАВ

Буюк Британия Осиёдаги ҳарбий мавқеини ошириши ва Хитойни тийиб туриши учун бир қатор бошқа чораларни кўриши мумкин. Financial Time (FT) газетасининг бугун, 4 июль куни хабар беришича, бундай режалар шу ҳафта Лондонда Буюк Британия Вазирлар Маҳкамаси аъзолари билан Бирлашган Қиролликнинг қуруқликдаги, денгиз флоти ва ҳаво кучлари қўмондонлари томонидан муҳокама қилинди.

Нашрнинг таъкидлашича, ХХР таҳдиди Британия миллий мудофааси ва ташқи сиёсат стратегиясини кўриб чиқишда асосий мавзулардан бирига айланади. Ҳужжатнинг нашр этилиши янги коронавирус пандемияси туфайли қолдирилди ва энди у кузда тақдим этилиши керак. Унда Пекиннинг қўшнилари – Сеул ва Токио билан ҳамкорликни кенгайтириш тавсия этилади. Лондонда улар киберхавфсизлик ва ХХР билан гибрид қарама-қаршиликка тайёрлик масалаларига кўпроқ эътибор беришлари кутилмоқда, аммо тўғридан-тўғри қуролли тўқнашув эҳтимолдан йироқ.

Британия парламентининг мудофаа қўмитаси раҳбари Тобайас Эллвуд нашрга айтганидек, Лондон Пекин билан муносабатларни "тубдан қайта тиклаши" керак. Шунингдек, у пандемиянинг молиявий оқибатлари туфайли қуролли кучлар ва мудофаа учун сарф-харажатлар сонини камайтиришдан мамлакат раҳбариятини огоҳлантирди.

Ҳарбий экспертлар, шунингдек, иккита янги Англия самолёт ташувчиларини - Prince of Wales ва Queen Elizabeth’ни қайта жиҳозлаш зарурлигини таъкидламоқда. Истеъфога чиққан британиялик генерал Ричард Барронс таъкидлаганидек, Хитойнинг арсеналида самолёт ташувчиларини йўқ қилиш учун мўлжалланган қуролга эга. Бу эса Буюк Британиянинг Жанубий Хитой денгизидаги кучини намойиш этиш имкониятини сезиларли даражада чеклайди.