Бухорода икки кишини тупроқ босиб қолди

3-саҳифа

image

Бугун, 16 ноябрь куни Бухоро вилоятида сув қувурларини ётқизиш вақтида икки нафар ишчини тупроқ ва қум босиб қолди. Қидирув ишларида икки нафар фуқаронинг жасади тупроқ остидан олиб чиқилди. Бу ҳақда Фавқулодда вазиятлар вазирлиги Матбуот хизмати хабар берди. 

Қайд этилишича, воқеа соат 14:50 да вилоятнинг Когон шаҳри “Дўстлик” МФЙ ҳудудида содир бўлган. “61-Автокорхона” МЧЖ томонидан оқава сув қувурларини ётқизиш мақсадида ер 5-6 метр чуқурликда, эни 3 метр оралиғда кавланган. 1000 мм. ли сув қувурлари ётқизилаётган вақтда чуқурнинг чап томони ўпирилиб, икки нафар ишчини тупроқ ва қум босиб қолган.

Вилоят Фавқулодда вазиятлар бошқармаси қутқарувчилари томонидан воқеа жойида олиб борилган қидирув ишларида икки нафар фуқаронинг жасади тупроқ остидан олиб чиқилган.

Хабарга кўра, мазкур ҳодиса юзасидан дастлабки тергов олди суриштирув ишлари олиб борилмоқда.


Мақола муаллифи

Теглар

Баҳолаганлар

360

Рейтинг

2.9

Мақолага баҳо беринг

Дўстларингиз билан улашинг