Бозорлардаги нарх-наво эълон қилинди

Ўзбекистондаги деҳқон бозорларида гўшт 45 000 – 80 000 сўмдан, ўсимлик ёғи эса 14 000 – 24 000 сўмдан сотилмоқда. Бу ҳақда Давлат статистика қўмитаси ҳудудлардаги марказий деҳқон бозорларида кузатув ўтказиб, маълум қилди.

Қўмита кузатув натижалари бўйича алоҳида турдаги озиқ-овқат маҳсулотларининг минимал-максимал нархларини эълон қилди.

2021 йил 6 октябрь ҳолатига кўра: 

•    суякли мол гўшти (1 кг) — 45000 – 68000 сўм
•    қўй гўшти (1 килограмм) — 52 000—80 000 сўм;
•    картошка (1 килограмм) — 2500—6000 сўм;
•    пиёз (1 килограмм) — 1000—3500 сўм;
•    сабзи (1 килограмм) — 2000—9000 сўм;
•    тухум (10 дона) — 6000—14 000 сўм;
•    гуруч (1 килограмм) — 5000—17 500 сўм;
•    ўсимлик ёғи (1 литр) — 14 000—24 000 сўм;
•    шакар (1 килограмм) — 7500—9000 сўм.

Хабарга кўра, нархлар кузатув амалга оширилаётган вақтда қайд этилади. Маълумотларни тўплаш вақти, санаси ҳамда жойи ўзгаришига қараб ҳам, нархларнинг тебраниш ҳолатини кўриш мумкин.