Богдан Гусков собиқ UFC чемпионига қарши жанг қилади
Спорт
−
10:05 574 1 дақиқа
Ўзбекистонлик ММА жангчиси Богдан Гусков австралиялик собиқ UFC ўрта вазн чемпиони Роберт Уиттакерга қарши жанг қилади. Бу ҳақда UFC хабар берди.
Ярим оғир вазн тоифасидаги ушбу жанг турнирнинг асосий баҳси сифатида белгиланган. 2027 йилнинг 6 февраль куни Сиднейда бўлиб ўтадиган ушбу жанг UFC Fight Night 298 турнирида доирасида бўлиб ўтади.
Роберт Уиттакер Австралиядаги сўнгги жангини 2019 йилда UFC 243 турнирида ўтказган. Унда Исраэл Адесаньяга мағлуб бўлиб, чемпионлик камарини бой берган. Австралиялик жангчи Сиднейда 2014 йилдан бери октагонга чиқмаган.
Маълумот учун, Богдан Гусков жорий йилнинг 26 июль куни октагонга чиқиб, россиялик Магомед Анкалаевга техник нокаут билан мағлуб бўлган эди. Гусков айни пайтда UFC Мета-рейтингида 10, Уиттакер эса 11-ўринни эгаллаб турибди.
