Бектемир Мелиқўзиев америкалик боксчини муддатидан олдин нокаутга учратди (видео)

Sport

−

29 January 2023 visibility14653 timer1 minute

Ўзбекистонлик профессионал боксчи Бектемир Мелиқўзиев бугун, 29 январь куни АҚШда навбатдаги жангини ўтказди.

Калифорния штатида ташкил этилган профессионал бокс мусобақасида у америкалик Улисес Сьеррага қарши рингга чиқди.

Жанг Бектемир Мелиқўзиевнинг устунлиги билан бошланиб, 3-раунд охирида боксчи рақибининг тана қисмига кучли зарба берди. Улисес Сиэрра мувозанатини йўқотиб, нокаутга учради.

Шу тариқа Мелиқўзиев WBA Global минтақавий камарига эга чиқди. Ушбу камар WBO рейтинги учун муҳим очколарни берадиган энг нуфузли минтақавий камар ҳисобланади.

Маълумот учун, Мелиқўзиевнинг профессионал боксдаги ғалабалари сони 11 тага етди. 9 та жангда у рақибларини нокаут эвазига мағлуб этган.

Author

Бектемир Мелиқўзиев америкалик боксчини муддатидан олдин нокаутга учратди (видео)

Ozoda Chorieva