Байден Пентагон раҳбариятида ўзгариш қилмоқчи

АҚШ Президенти Жо Байден АҚШ Қуролли кучлари штаб бошлиқлари қўшма қўмитаси (CENTCOM) раҳбари генерал Марк Милини алмаштиришга қарор қилди ва унинг лавозимига Ҳарбий ҳаво кучлари генерали кичик Чарльз Браунни тайинлаш ниятида. Бу ҳақда “The Wall Street Journal” хабар берди.

Айтилишича, генерал Браун ҳозирда Ҳарбий ҳаво кучлари штаб бошлиғи бўлиб ишламоқда. Агар унинг номзоди Сенат томонидан тақдим этилса ва тасдиқланса, илк бор Пентагонга икки қора танли америкалик раҳбарлик қилади. Ҳозирги Пентагон раҳбари Ллойд Остин АҚШнинг биринчи қора танли Мудофаа вазири саналади.

Таъкидланишича, гарчи CENTCOM’га раислик қатъий ротацияга амал қилмасада, Байден генерал Миллининг ўрнига Браундан бошқа армия генералини танлаши даргумон. Бирлашган штаблар бошлиқлари қўмитаси раисининг ҳозирги ўринбосари денгиз флоти адмирали бўлиб, Байден бу лавозимга бошқа денгизчини тайинлаш эҳтимоли камроқ.