“Барселона”нинг асосий дарвозабони ким? Флик жавоб берди

“Валенсия”га қарши Испания кубоги чорак финал учрашуви олдидан журналистлар яна “Барселона” бош мураббийи Ханси Фликдан жамоанинг асосий дарвозабони ким эканлиги ҳақида сўради.

Фликнинг айтишича, Войцех Шесни ҳозирда каталонияликларнинг асосий посбони ҳисобланади.

“Ким биринчи рақамли? Албатта Войцех. Биз ҳар доим барча ўйинчилар учун энг яхши қарорларни қабул қиламиз”, дейди Флик.

Қайд этиш жоиз, польшалик 34 ёшли Воцех Шесни фаолияти давомида “Арсенал”, “Брентфорд”, “Рома” ва “Ювентус” каби клублар дарвозасини қўриқлаган. У 2024 йилда футболдаги фаолиятини якунлаганди, бироқ кейинчалик “Барселона”нинг таклифидан сўнг яна футболга қайтди.

Маълумот учун, “Барселона” 7 февралга ўтар кечаси Испания кубоги чорак финали доирасида сафарда “Валенсия”га қарши баҳс олиб боради. 10 февраль куни эса жамоа Валенсия шаҳрининг яна бир клуби “Севилья” билан тўқнаш келади.