АПЛ клублари “Сити”ни судга бермоқчи

Англия Премьер-лигасининг бир қатор клублари “Манчестер Сити”ни молиявий қоидаларни бузгани учун судга бериш имкониятини кўриб чиқмоқда. Бу ҳақда “The Athletic” нашри хабар берди.

Маълум қилинишича, бир нечта клуб аллақачон эҳтимолий компенсация миқдорини аниқлаш мақсадида адвокатларни ёллаган.

Аввалроқ, “Манчестер Сити” молиявий қоидабузарликлар билан боғлиқ деярли барча айбловлар бўйича айбдор деб топилгани ҳақида хабар берилган эди. Клуб эса ушбу қарор устидан апелляция беришни режалаштирмоқда. Шунингдек, Орнштейн жамоага нисбатан қўлланадиган санкциялар ҳали якуний эмаслигини таъкидланган.

Маълумот учун, 2023 йил февраль ойида “Манчестер Сити” 2009-2010 йилдан 2017-2018 йилгача бўлган даврда содир этилган 100 дан ортиқ молиявий қоидабузарликда айбланган эди. Клуб очколардан маҳрум қилиш, Премьер-лигадан четлатиш ва аввалги чемпионлик унвонларини бекор қилиш каби эҳтимолий жазоларга дуч келиши мумкин.