Америкалик рэпернинг машинасидан 14 ёшли қизнинг чириган жасади чиқди

D4vd тахаллуси билан танилган америкалик репер Дэвид Энтони Берк 14 ёшли қизчани ўлдиришда гумон қилиниб ҳибсга олинди. Бу ҳақда “Al Jazeera” хабар берди. 

14 ёшли Cеласте Риваснинг жасади унга тегишли полиция томонидан мусодара қилинган машинадан топилган. 

Маълум қилинишича, Беркнинг ҳибсга олиниши полиция Риваснинг чириган жасадини унинг номига рўйхатдан ўтган Tesla автомобилининг юкхонасидан топганидан етти ой ўтгач содир бўлган. 

Аниқланишича, терговчилар машинадан иккита қора сумка топган. Бирида чириган бош ва тана, иккинчисида эса бошқа тана қисмлари бўлган. Лос-Анжелес округи прокуратураси душанба куни Дэвид Энтони Беркга қарши ишни расмий айбловлар бўйича кўриб чиқиши айтилмоқда. Беркнинг адвокатлари унинг айбсизлигини қатъий ҳимоя қилишларини айтиб, баёнот берган.

Маълумот учун, 21 ёшли репер Нью-Йорк штатининг Квинс шаҳридан бўлган. Берк 2022-йилда унинг "Романтик қотиллик" қўшиғи ТikTok’да хитга айланганидан сўнг интернетда машҳурликка эришган. Селест Ривас 2024-йилда 13 ёшида бедарак йўқолган. Репернинг машинасидан топилган жасад Лос-Анжелес полиция департаменти томонидан бедарак йўқолган калифорниялик ўсмир Селест Ривасга тегишли эканлигини аниқлаган.

Шаҳзода Шукуруллаева