Ҳайдовчилар ноқулай об-ҳаво сабабли огоҳлантирилмоқда
Жамият
−
12 Декабрь 2019
7433Айрим ҳудудларда қалин туман тушиши оқибатида автомобиль йўлларида кўриниш чекланмоқда. Бу эса йўл ҳаракати қатнашчилари учун қатор ноқулайликларни келтириб чиқариши ҳақида ЙҲХББ матбуот хизмати хабар бермоқда.
"Бу йўл-транспорт ҳодисалари содир этилишига сабаб бўлиши мумкин. Биз барча ҳайдовчилардан транспорт воситасини бошқариш пайтида мураккаб об-ҳаво шароитини, айниқса, туман тушганлигини ҳисобга олишларини сўраймиз", - дейилади хабарда.
Шунингдек, бош бошқарма зарурат бўлмаганда тунгги вақтларда ҳаракатланмасликни, айниқса, тезлик талабларига қатъий амал қилишларини, пиёдалардан йўлни кесиб ўтишда ўта ҳушёр бўлишларини, катталардан йўлларда болаларнинг ҳаракатини назоратга олишларини сўраган.