Ҳиндистонда сув тошқинлари оқибатида 22 киши ҳалок бўлди (видео)
Олам
−
10 Июль 2023 3097
Ҳиндистон шимолида сув тошқинлари оқибатида 22 дан ортиқ киши ҳалок бўлди. Бу ҳақда “Reuters” хабар берди.
Қайд этилишича, пойтахт Нью-Делидаги мактаблар дам олиш кунлари кучли ёмғирдан сўнг ёпилган ва Химачал-Прадеш ва Уттаракханд штатлари расмийлари одамлардан мақсадсиз равишда уйларини тарк этмасликни сўраган.
Бир неча кун мамлакат шимолида ёғган ёмғир оқибатида сув тошқинлари юзага келган. Оқибатда шимолдаги Химачал-Прадеш, Уттаракханд, Уттар-Прадеш, Жамму ва Кашмир ва Панжоб штатларида камида 22 киши ҳалок бўлган.
Шунингдек, сув тошқинлари оқибатида Химачал-Прадеш штатида кўприк қулаган, расмийлар ёмғир туфайли йўл ва кўприкларда қолиб кетган одамларни қутқариш учун вертолётлардан фойдаланган. Панжоб, Деҳли ва Уттаракханд каби шимолий штатларида кўчалар сув остида қолган.
"Илтимос, уйларингизда қолинг, чунки кейинги 24 соат ичида кучли ёмғир яна ёғиши кутилмоқда", дейди Химачал-Прадеш штати бош вазири Сухвиндер Сингх Суху.
Live
Барчаси
