Жонсон Киевда Зеленский билан учрашди

Олам 11817
image

Бугун, 9 апрель куни Буюк Британия Бош вазири Борис Жонсон Киевга ташриф буюрди. Ташриф давомида у Украина Президенти Владимир Зеленский билан учрашди. Бу ҳақда Украина етакчиси девонхонаси раҳбари ўринбосари Андрий Сибига маълум қилди.

“Ҳозирда Борис Жонсоннинг Киевга ташрифи Президент Зеленский билан яккама-якка учрашувдан бошланди. Буюк Британия Украинага мудофаа ёрдами бўйича етакчи ҳисобланади”, деб ёзади Сибига.

Жонсоннинг матбуот котибига кўра, улар Украинани узоқ муддатли қўллаб-қувватлашни муҳокама қилган. Ташриф чоғида Бош вазир молиявий ва ҳарбий ёрдамнинг янги пакетини Зеленскийга тақдим этади.

Маълумот учун, охирги марта Жонсон 1 февраль куни Киевга расмий ташриф билан келган эди. “Reuters” агентлиги Жонсон вакилига таяниб хабар беришича, Зеленский билан музокаралар чоғида Бош вазир Киев ва Москва ўртасидаги кескинлик кучайиб бораётган вазиятда Украина Буюк Британия ва иттифоқчилардан нимани олишни хоҳлаётганини билмоқчи.

8 апрель куни Буюк Британия Бош вазири Украинага 100 миллион фунт стерлинглик ҳарбий техника, жумладан “Starstreak” зенит ракеталари, 300 та танкга қарши ракеталар ва ўқ-дори, зирҳ ва дубулғалар совға қилишини маълум қилди.

Юлдуз Абдурашидова
Мақолага баҳо беринг
Баҳолаганлар: 360
Рейтинг: 3
t
×